1. Kabayan Nyekel Maling
M
|
angsa ketiga wis
lumaku pirang-pirang minggu. Hawane krasa panas. Langite padhang srengenge
nyorotake cahyane menyang bumi. Gawean among tani wis ganti saka sawah menyang
tegalan. Tanduran pari uga wis diganti nganggo tanduran palawija sing ora
mbutuhake banyu akeh.
Wis meh seminggu, Abah, Simbok, lan
Gemi mangkat menyang desa Sukarajin. Ing kana padha dolan sanja menyang omahe
sedulure Abah sing jenenge Markasan. Pancen wis suwe Abah lan kulawargane ora
sanja menyang kana. Mula kuwi, ing wiwitane mangsa ketiga iki Abah nggunakake
wektu kanggo dolan sanja menyang omahe sedulure tuwa. Kebeneran gawean sawah
wis ganti menyang tegalan. Gawean padinan dadi suda, mulane wektu longgar iki
dipigunakake kanggo lunga menyang omahe sedulur.
Kepiye karo si Kabayan ? Pranyata
Kabayan ditinggal ana ngomah. Supaya
ngrampungake gaweyan ngomah. Manawa gaweyan ngomah wis rampung, Kabayan
dikongkon nusul menyang desa Sukarajin.
Saiki Kabayan wis ana ing dalan tumuju
menyang desa Sukarajin. Deweke melu nunut mobil pick up sing ngangkut bebek.
Bebek-bebek kuwi arep disabakake ing sak kiwa tengene desa Sukarajin. Ing kana
ana rawa subur sing diileni kali gedhe. Bebek-bebek kuwi bakal seneng ana papan
sing akeh banyune.
Mobil pick up mlaku terus ngliwati
dalan sing akeh lebune. Bleduke padha mubal nalika kagiles roda mobil. Sak
njerore mobil mau Kabayan omong-omongan karo sopire sing ora liya pawongan sing
duwe bebek.
“ Arep menyang ngendi ta, Kang ?”
pitakone sopir marang Kabayan.
“Menyang
desa Sukarajin, niliki sedulur. Lha terus Adik arep angon bebek menyang ngendi
?”.
“Ing
ngarep ana dalan sing medhun, cedhak ilining banyu kali, ya ing kana aku bakal
ngedhunake bebek-bebekku iki. Lha, Kakang arep medhun ngendhi ?”.
“Ya,
sabenere ana prapatan dalan tumuju desa.”
“Nanging
sing gedhe pangapurane ya Kang. Mobil iki mung tekan dalan medhun ngarep kuwi.
Sabanjure arep menggok mangiwa.”
“ O,
menyang desa Sukatani ?”
“
Bener, Kang. Kang Kabayan mengko mudhun ana dalan medhun kuwi. Nanging aja
sumelang, saka kono ana dalan trabasan cilik sing tumuju menyang desa
Sukamaju.”
“ O,
ngono?”
“ Ya,
lan Kakang terus mlaku wae.”
Kabayan
mung manthuk.
Nalika
mobile wis tekan dalan medhun cedhak kali, mobil kuwi mandhek. Kabayan mudhun
saka mobil. “Matur nuwun ya Dhi.” Ngomonge Kabayan marang sopire mobil sing ora
liya pangon bebek.
Kabayan
terus mlaku manut seng dituduhake pangon bebek mau, mlaku terus manut iline
banyu, ing kono ana dalan menggok nengen. Liwat kreteg watu, dheweke bakal
tekan gerbang desa Sukarajin. Saka kreteg kuwi dheweke wis ora weruh pangon
bebek mau amarga ketutupan wit-witan akeh sing dhuwur-dhuwur ing pinggir kali.
Nalika
nyabrang kreteg Kabayan ngulati ngisor
banyune kali ketok bening. Weruh banyu kali sing bening kuwi Kabayan thukul
pepenginane raup lan wijik, amarga awake krasa reget sabubare numpak mobil ing
dalan sing akeh bleduge. Age-age Kabayan golek perenging kali sing empreh ,
pamrihe bisa mudhun kali kanthi kepenak.
Bareng
weruh pereng kali sing empreh Kabayan mudhun saka tanggul tumuju menyang tengah
kali. Gawane klambi lan kathok sing diwadhahi karung terigu diselehake ana
dhuwur tanggul. Dheweke mudhun alon-alon nuli raup lan wijik.
Sawetara
anggone ana tengah kali ,Kabayan keprungu swarane pawongan loro mlaku nyedhaki
buntelan gawane. Wong loro sing raine nganggo tutup ireng kuwi, Sajake padha
kepencut karo buntelan sing digawa Kabayan. Buntelan gawane Kabayan digledhah,
isine dietoake saka njero karung terigu, terus dilebokake maneh. Sawise ngerti
njerone buntelan mau, wong loro kuwi kuciwa, jebulane mung isi kathok klambi karo
sarung sing wis lawas.
|
“Ana
barang sing aji, Kang ?” ujare salah sijine pawongan.
“Kere.!
Mlarat.. .Mung kathok klambi karo sarung lawas”
“Yen
ngono, ora perlu ngurusi wong mlarat.”
Sabanjure
pawongan sijine nguncalke buntelan mau menyang tengah kali dipenerake Kabayan
sing lagi wijik.
“Hei,
ngapa nggledhah barangku. ?” Bengoke Kabayan.
“ Ha
... ha ... ha ... untung kowe wong
mlarat.” Omongane salah sijine pawongan mau karo mlayu.
“Awas,”celathu
pawongan sijine.“ Titenana yen nganti nyritakake ngenani aku ana kene.”
Wong
loro kuwi age-age lunga. Tujune buntelane mau ora tiba papan sing ana banyune.Kabayan
meh ora percaya, ing wayah awan kaya ngene ana wong loro sing arep ngrampok.
Kabayan munggah kali terus tata-tata lan mbacutake lakune tumuju desa
Sukarajin.
Nalikane
wetenge Kabayan krasa luwe, dheweke mlebu warung cedhak prapatan dalan desa,
mbok menawa warung kuwi sing paling gedhe. Dheweke milih panggonan lungguh sing
isih suwung. Sawijine peladen nyedhaki karo ngomong “Wilujeng rawuh ing warung
kula, Mas. Badhe dhahar menapa ngunjuk mawon ?”
“Inggih,
nyuwun sekul salawuhe,” ngomonge Kabayan menyang peladen kuwi.
“
Inggih,” wangsulane peladen karo lunga njupukake sega anget. Ora let suwe
peladen kuwi nyuguhake sega salawuhe arupa pitik goreng, sambel, sarta lalaban.
Ing
pojok warung ana wong loro sing lagi nggatekake Kabayan.
“
Lho, lha kuwi rak wong mlarat sing ana pinggir kali mau ta?,” rerasanane salah
sijine pawongan lanang ing pojok warung kuwi.
“
Iya,dheweke kuwi perlu diawasi,” wangsulane wong lanang ing sisihe.
Sinambi
mangan, Kabayan omong-omong karo wong lanang tuwa ing sisihe, “ Apa kowe mau
ora ana sing nganggu, Nak?”
“
Mboten menika Pak. Kala wau wonten margi mboten wonten menapa-menapa,”
wangsulane Kabayan kebak pengati-ati.
“Ngertiya
ya Nak, wektu kepungkur iki akeh wong sing diganggu ana dalan, lan dirampok
barang-barange,” keterangane wong tuwa kuwi.
|
“ Hei, pak Darmo. Ngati-ati yen omong, kowe aja
ngelek-elek desane dhewe iki.” Kandhane sing duwe warung.
“
Iya ... iya, Parto. Aku ora ngomong apa-apa. Regane pira sing dak pangan mau?,
sega sepiring karo pepes iwak lan kopi sagelas.”
Parto
ngetung lan nyebut gunggunge. Sabanjure pak Darmo metu saka warung sajak
mangkel.
Kabayan
nalika mangan awan kuwi ngrasakake enak. Mangane kaya ana ngomahe dhewe. Bubar
ngombe kopi dheweke nyedhaki Parta, sing duwe warung.
“Badhe
mbayar, Mas?” pitakone Pak Parto kanthi semanak.
“Inggih,
nanging sakedhap, kula badhe nyuwun pirsa. Wonten pundi ngriyanipun pak
Markasan?”
“Wah,
pak Markasan sampun mboten manggen ngriki.”
“Lajeng
wonten pundi ?”
“Piyambakipun
sampun pindhah dhateng desa Sukatani. Prayoginipun sampeyan nginep riyin wonten
ngriki, amargi kendaraan dhateng Sukatani namung sekedhik. Sampeyan saget tindak
mrika sesarengan rombongan bakul ingkang badhe dhateng peken Sukatani.”
“
Wonten pundi, ngempalipun ?”
“ Wonten
ngajengan menika.”
“O,ngaten?lajeng,menapa
ngriki wonten papan kangge nyipeng?”
“Panggenan
kula wonten. Mligi kangge para tamu ingkang mboten gadhah tepangan utawi
sedherek wonten ngriki.”
“Inggih,
menawi mekaten kula nyipeng ngriki mawon.”
Sabanjure
Kabayan mlebu kamar panginepan sing mapan saburine warung kuwi. Saben kamar ana
amben loro kanggo wong loro.Ing njero kamar wis ana wong siji jenenge Sidik.
Pranyata
kanca sakamare kuwi sawijine bakul buah sing sesuk arep menyang desa Sukatani. Sakarone
padha tetepungan.
“Wah,
kebeneran. Kajaba sakamar, awake dhewe bisa bebarengan mlakune,” kandhane
Kabayan.
“Iya,
bener kang.”
“Dhaerah
kene iki aman, ta Dhik.”
“Jarene
kepungkur iki akeh perampokan ing wayah awan lan kurbane akeh-akehe wong manca,” keterangane Sidik.
“
Lho kok aneh. Kenapa ngono ?”
“
Embuh, ya.”
“
Apa kene ora ana sing jaga keamanan ?”
“ Ya
ana. Nanging , embuh kepiye sing jaga keamanan kene ora bisa tumindak apa-apa.”
“ Lha,
nyubriyani, kuwi.”
“
Malah aku nate dirampok wong loro nganggo topeng ireng.”
“
Hah .... “ Kabayan kaget, kelingan marang lelakone ing pinggir kali mau.
“Kabeh
dhuwit asil bakulanku dikuras entek ludhes.
Untung wae ana kancaku sing nyilihi dhuwit.”
“Genea
kowe isih terus bakul.”
“Lha
kepiye maneh? yen ora bakul aku ora oleh dhuwit”
“Apa
sampeyan ora wedi yen di dirampok maneh ?”
“Rasa
wedi kuwi isih ana, mung saiki aku ora nate mlaku dhewekan. Nanging tansah
rame-rame karo bakul liyane.”
“Kira-kira
saka ngendi, perampoke kuwi? ”
Kanthi
omongan lirih Sidik kandha “ Sajake perampoke saka desa kene wae.”
“Kepriye
saumpama awake dhewe ngewangi miyak wewadi, nggoleki asale perampok kuwi?”
kandhane Kabayan.
“Iya
kena, kanthi mangkono aku bisa bakul kanthi rasa tentrem.”
Nalika
dheweke padha jagongan keprungu wong rame ana ing dalan. Kabayan lan Parta metu
saka kamar panginepan weruh wong lanang loro sing bengok-bengok.
“Aku
wong loro lagi wae bubar dirampok ana kreteg kana, sing ngrampok wong telu
nganggo tutup rai warna ireng,” omongane
wong lanang kuwi karo getem-getem.
“Apa?
ana perampokan maneh ?” pitakone sawijine ibu.
“Iki
kebangeten tenan. Wayah awan kok wani ngrampok,” omongane wong liyane.
“Yen
ngono dilaporake wae marang pak Amar, Kepala Keamanan,” usule salah sijine pawongan
liya.
“Ora
sah, lha kuwi pak Amar wis teka.”
“Tenang
sedulur-sedulur, prekara perampokan arep dak rampungi, nanging sakdurunge kuwi
kudu nglaporake perkara iki menyang Bale Desa. Dak tunggu ana kana ” Omongane
Kepala Keamanan karo liwat sajak nyepelekake.
“
Ya, kepiye maneh awake dhewe kudu menyang Bale Desa,” omongane si korban
ngetutake pak Amar.
Kabayan
gumun geneya prekara kaya ngono kuwi kudu dilaporake kanthi resmi menyang Bale
Desa, kaya polisi wae.
Ing
wayah wengine Kabayan ora bisa turu angler, amarga kelingan perampok sing
ngaggo tutup ireng . Rasa wedi kuwi sing ndadekake klisikan. Dheweke glundang –glundhung
mrana-mrene nanging mripate isih durung gelem dieremake.
Jam
rolas tengah wengi Kabayan lagi bisa
turu. Dumadakan jam siji dikagetake
dening swara saka cendhela sakcedhake. Ana pawongan saka njaba arep njugil
cendhela kamare.
Sabanjure
krungu pawongan gumreneng. “ Apa bener iki kamare bakul kuwi ?”
“Bener,
kanca. Aja ragu, aku wis naliti awan mau.”
“Yen
salah, kepiye?”
“Ya
dibongkar sisihe maneh.”
Sabanjure
dheweke padha meneng. Swara wong njugil cendhela ora keprungu maneh. Kabayan
saya wedi. Dheweke malah ngumpet ana njero sarunge, dene kanca sakamare isih
turu angler.
Kabayan
terus mikir, manawa ora tumindak apa-apa mesthi bakal cilaka. Dheweke age-age
mateni lampu kamare terus nyedhaki kanca sakamare.
“Ana
apa?” pitakone Sidik sing tangi lan weruh kamare peteng.
“ssst
.... menenga, rungokna swara saka jaban cendhela.!”
“Ya,
aku krungu. Apa kuwi maling?”
“Ketoke
ngono.”
“Awake
dhewe kudu kepriye ?”
“Nglawan
apa mlayu .”
“Hah
.... “
Durung
ana wektu wong loro kuwi golek cara, cendhelane wis menga. Sajake perampok kuwi
wis kasil ngrusak cendhela. Saiki katon padha mlebu liwat cendhela.
“
Hei endi dhuwitmu?.” Omongane wong lanang sing nganggo tutup ireng kuwi karo
nyorotake sentere menyang wong loro sing kaweden.
Kabayan
lan Sidik durung wae mangsuli wis jedhul maneh maling loro liyane. Dadi cacahe ana wong telu.
Dheweke padha gawa golok sing katon gilap kena sorote senter. Lan ing njaba
sajake isih ana kanca-kancane.
“Awake
dhewe kudu njaluk bantuan !” Klesike Sidik karo mbrangkang mundur tumuju lawang.
Kanthi
cepet Sidik metu saka kamare. Kabayan apes, nalika ngetutake Sidik, dheweke
kedhadhug lingir amben.
“Adhuh
.... “ Kabayan kelaran.
“Ana
maling....tulung ...tulung.”Bengoke sidik karo mlayu.
“Lha
kuwi uwonge, ayo dicekel.” Kandhane
salah sijine maling karo nabrak Kabayan. Age-age Kabayan ngadeg lan nggoleki lawang.
Sarunge disabukake ana bangkekan mlotrok. Bebarengan karo kuwi salah sijine maling
nubruk Kabayan. Andadekake sirahe maling
kuwi mlebu menyang sarunge Kabayan. Ora kanthi sengaja sarunge Kabayan kaya
dene naleni gulune maling, dheweke kejindhet sarung. Wusanane maling kuwi tiba
kelaran, gedebug.
Sawetara
kuwi Kabayan mlayu nggeret maling nganggo sarunge. Gulune maling angel diuculi
saka njindhetan sarung.
Kabayan
mlayu rumangsa kaya ana sing nggondheli, “ E, uculna aku!” bengoke Kabayan karo
mbudidaya mlayu.
Maling
kuwi pancen apes tenan, amarga playune Kabayan nambahi kencenge jindhetan.
Jindhetan sarung ing gulune saya kenceng, anjalari malinge dadi semaput.
|
Nalika
wektu kuwi ing njaba, Sidik lan sing duwe omah lan wong-wong sing jaga keamanan
panginepan wis padha ngubengi panggonan kuwi. Sawijining maling sing ana njaba
aweh tandha singsot dawa. Maling loro kuwi ngerti lamun kahanane mbilaheni,
sakarone age-age mlumpat saka cendhela lan kabur karo kanca-kancane.
Nalika
kuwi Kabayan ditemokake lagi nyeret gulune maling sing semaput. Lan wong-wong
kuwi duwe pangira manawa Kabayan wis kasil nyekel maling.
“Wah,
ora kanyana sedulur Kabayan bisa nyekel maling “ kandhane sing duwe panginepan.
“Bener,
kang Kabayan iki prayata duwe kaluwihan sing sumimpen,” kandhane Sidik.
Kabayan
dhewe bingung arep mangsuli apa, amarga kabeh kadadeyan kuwi mau satemene ora
disengaja alias kebeneran.
Wusanane
maling kuwi dilebokake ing kamar penjagan panginepan. Rencanane esuk kuwi uga,
bakal digawa menyang kantor Desa lan bakal dipasrahake marang Kepala Keamanan,
pak Amar.
“Sedulur Kabayan, prayogane aja tindak dhisik menyang
desa Sukatani,” pamrayogane pak Parto karo ngelungake kopi sagelas.
“Kenging
napa Pak ? kamongko kula pengin sanget kempal kalih sedherek kula ing desa
Sukatani.”
“Prekara
niki kudu dirampungake, awake dhewe kudu nglaporake dhateng pak Kepala Keamanan
Desa.”
“Inggih...Pak.
Matur nuwun kopine,” wangsulane Kabayan
karo ngombe kopi angete.
“Mangga
sedulur Sidik, ngunjuk kopine mumpung isih anget,” ngendikane Pak Parto.
2.Dhalang Durjana
U
|
dakara jam nenem
, Kabayan lan Sidik isih padha jagongan ana warung karo Pak Parto sing duwe
warung. Salah sijine satpam panginepan sing melu ngurusi maling, wis metu saka
kamar penjagan. Satpam mau jenenge Wawan.
“Gagal, Pak. Malinge mboten purun ngaku,”Ature
Wawan menyang Pak Parto.
“O...Ngono, ya wis dijarke wae dhisik.
Aku dak golek cara supaya malinge gelem blaka.”Ujare Pak Parto.
“Napa perlu digebugi?”
“Aja, ora sah digebugi. Di ancam
dhisik wae ”
Wawan terus bali menyang papan penjagan
arep ngancam malinge. Lagi wae Wawan tekan papan penjagan salah sijine tukang
sapu mara nyedhaki Pak Parto.
“Anu...Pak. kula nemu barang niki
wonten ngandhap cendhela sing di rusak maling wau.”Ature tukang sapu karo
ngaturake barang sing ditemu marang Pak Parto.Tukang sapu kuwi jenenge Idang.
Pak Parto naliti barang kuwi, pranyata
barang kuwi sawijining gelang sing digawe saka tanduran laut. Wong akeh ngarani
akar bahar. Warnane ireng janges.
“Iki sawijining pituduh. Matur nuwun, Idang.”
Idang terus mbacutake pakaryane maneh
amarga durung rampung anggone nyapu.
|
“Pitedah
menapa,Pak?”Pitakone Sidik.
“Niki gelang akar bahar. Ing mriki
mung wong siji sing duwe.”
“Gadhahane sinten,Pak.”
“O, mangke dhisik. Mengke mawon kangge bukti.”
“Lajeng maling niku ajeng dinapakne
,Pak?”pitakone Sidik.
“Digawa ten Bale Desa, sawise awake
dhewe sarapan.”
Sarampunge
sarapan , Pak Parto nyritakake cubriyane mau marang Kabayan lan Sidik.Wong loro
kuwi mung manthuk-manthuk sarujuk.
Jam sanga
esuk sawise padha sarapan,maling sing dibanda tangane, digawa menyang Bale Desa
. Pranyata tekan kana Kepala Keamanan durung teka kamangka wektu kuwi wis jam
sepuluh.
Bareng
wis sawetara anggone ngenteni , Pak Amar Kepala Keamanan teka katon lungkrah
awake. Sajake isih ngantuk.Mbok manawa mau bengi melu rondha.
“Ngapunte
Pak Parta, kula telat. Sinten sing dibanda niku?”
“Dheweke
salah sijine maling sing kecekel. Mau bengi dheweke karo kanca –kancane wani
nekani kamare tamuku sing dikira akeh dhuwite.”
“Hm...nganten,
ta. Lha terus sinten sing nyepeng?”
“Iki
sing gawe isin, Pak. Sing nyekel malah tamuku. Jenenge Kabayan.”
“Hah...dadose
wong manca sing nyepeng?”
“Iya.”
“Napa
mboten wong manca niku sing dicurigani?”
“Lho.
Kok malah wong manca sing di Cubriyani?Lha wong dheweke sing nyekel,
kok.”kandhane Pak Parta wiwit sengol.
“Leres,
sinten ngerti dheweke mung ethok-ethok.”
“Pak
Amar , aja sembrana.Kowe.”Pak parto mentheleng.
Pak
Amar rada pekewuh karo Pak Parto sing menthelengi kuwi.
“Sababe
apa sing kadakwa ora dang dipriksa?”kabeh sing ana kono padha menthelengi Pak
Amar.
“O...mesthi,
Nanging kula angsal ngembangake panaliten ta?”
“Oleh wae , nanging aku gumun, panase
kaya ngene kok Pak Amar nganggo jaket kandel,apa ora sumuk?”
“Aku...”Pak Amar rada bingung olehe
wangsulan.”Napa ora oleh nganggo jaket nadyan panas.?”
“Oleh wae . mung ora
lumrah.”Wangsulane Pak Parto.
“Lajeng, napa Kersane?”
“Kepiye manawa awake dhewe, jagongan
ana kene kanthi lukar jaket,supaya swasana panas iki bisa nyenengake?”Kandhane
Pak Parto.
“Inggih,”Wangsulane
Pak Amar karo lukar jaket. Jaket kuwi terus dicenthelake cedhak cendhela.
Kabayan nyenggol Sidik, “Delengen
sajake bener pandugane Pak Parto.” Klesikane.
“Katone pancen ngono.”wangsulane Sidik
lirih.
Pak
Amar ngulati wong loro sing glenikan kuwi.
“He, kowe wong loro kuwi , wong manca
sing nginep ya?”
“Leres pak.”Wangsulane Sidik.
“Miturut pandugaku kowe wong loro kuwi
patut dicubriyani, mbok manawa malinge iku kanca –kancamu,” Kandhane Pak Amar
rada nesu.
“Apa ora sewalike, Pak?”Kabayan
mangsuli.
“Karepmu? kowe dakwa aku?Aja lancang
kowe. Wong manca arep neka-neka.”Pak Amar nggetak.
“Ora, aku mung takon.”wangsulane
Kabayan.
“Genea Pak Amar ora nganggo gelang ing
tangan tengen.?”
“Gelang apa? kaya wong wadon wae.”
“Dudu gelang emas, nanging kuwi lho,
gelang akar bahar.”
“Ana ngendi gelang akar baharmu?”Pak
Parto nakoni genti. Apa ilang mau bengi?”
“Napa ? Kenging napa ngurusi gelang
akar bahar kula?”
“Ora ngurusi, mung pengen ngerti. Apa
gelange ilang mau bengi”
“Ketingale ngaten, mbok bilih nalika
rondha wau dalu”
“Ya mesthi, Rondhane kleru
mapane.”Sambunge Kabayan.
“Kleru mapane piye?”
“Kleru
mapane amarga rondha menyang kamar panginepanku.”
“Kowe aja padha mubeng-mubeng , piye
karepmu?”
“Ya, Pak Amar.Apa sababe Pak Amar
rondha menyang kamare tamuku nganti gelang akar bahaer keri ana kana?”Pak Parto
nakoni.
Saiki
Pak Amar krasa manawa dicubriyani.
“Ateges kowe kabeh nudhuh, aku mau
bengi melu maling ana kamarmu?”
“Ya, amarga wong sing duwe gelang akar
bahar kuwi ora ana liya kajaba Pak Amar”. Kandhane Pak Parto karo ngangkat
gelang akar bahar supaya kabeh sing ana kono padha weruh.
“Kabeh kuwi fitnah.” Pak Amar mbengok
seru.”Kow ebakal dak tuntut.”
“Ora Amar, kedhokmu wis dibongkar karo
si Boncel, salah sijine anak buahmu,” omonge salah sijine wong sing lagi teka
kono.
Kabeh sing ana kono padha ngulati sapa
sing kandha ngono kuwi, semono uga Pak Amar.dheweke kuwi Pak Kades karo
saperangan perangkat desa.
|
Sanalika
Pak Amar Gemeter, dumadakan dheweke arep mlayu, amarga wedi dituntut Pak Kades.
Saking kesusune dheweke nyandhung sikile
Kabayan sing ora kasengaja malangi . Pak Amar tiba bug dhadhane ampeg terus
tangi.
“Gara
–gara kowe wong manca , dadi kaya ngene! Omonge Pak Amar karo age-age tangi
nyandhak pundhake Kabayan, karepe arep mlayu
maneh .Sacedhake kono ana kulit pisang , kulit kuwi kepidak Pak Amar
dadi lan tibane . Kabayan sing dicandhak pundhake dadi kaget ya melu diba
nindhihi Pak Amar.Saumpama ditonton saka kadohan Kabayan lan Pak Amar kaya wong
gelut.
“He..Cekel...!”
ngendikane Pak Kades. Hansip pengawale Pak Kades terus mlumpat ngrungket Pak
Amar sakencenge.
Pak
Parto nulungi Kabayan sing tiba.
“Matur
nuwun sedulur Kabayan wis ngewangi nyekel maling.”
Kabayan
mung manthuk ngampet larane. Sawetara Pak Amar ditahan. Pak Kades dhawuhi Pak
Sekdes supaya lapor polisi.
“Para
sedulur.”Ngendikane Pak Kades. “Kapeksa Pak Amar lan anak buahe iki titahan
.Sabanjure bakal dilaporake marang Sektor supaya dibacutake prekarane.”
“Terus
terang , aku ora ngira manawa nindakake kadurjanan ana desane dhewe, malah
dheweke sekuthon karo mantan durjana sing isih kerep ngrampok.
Mulane,
sabe ana maling mlayu diuyak ora nate kecekel. Awake dhewe oya duwe pangira
manawa malinge kepala keamane dhewe.
Nanging
awake dhewe ora kena ngadili dhewe, kareben prekara iki dirampungake karo sing
berwajib. Awake dhewe bakal ngrungokake kepiye keputusan pengadilan mengko.
Muga –muga kabeh durjana sing durung kecekel bisa digoleki lan oleh paukuman
sing jumbuh karo pakartine.
Ora lali,
aku ngaturake panuwun marang Sedulur kabayan lan Sedulur Sidik sing wis
ngewangi nyekel durjana. Kamangka Sedulur loro kuwi mau mung tamu ana kene.Muga
–muga Sedulur Kabayan lan Sedulur Sidik oleh kanugrahan saka Gusti kang Maha
Kuwasa.Amin.”
Sabanjure
Pak Kades terus nyalami Kabayan lan Sidik. Lan makaping kaping ngaturake
panuwun. Kabayan dhewe bingung ,amarga ora rumangsa melu nyekel maling.
|
Durung
rampung Pak Kades olehe pidhato ana ngarepe wong akeh. Kabayan lan Sidik mundur
sesidheman ninggalake papan kuwi. Nalika Pak Kades noleh ngulati, Kabayan lan
Sidik wis ora ana.
“Lho,
menyang ngendi Kabayan karo Sidik mau. Ngendikane Pak Kades.
“Nyumanggakake,
Pak. Kala wau nalika Bapak pidhato ,mboten wonten ingkang nggatosake
piyambakipun.”Ature Pak Parto.
“Kamangka
awake dhewe durung menehi apa-apa.”
“Leres,
kenging menapa mboten dipun padosi mawon,sambunge Pak Parto.
Saperangan
pawongan sing ana kono age-age nggoleki Sidik lan Kabayan. Nanging ora bisa
ketemu, amarga Kabayan lan Sidik wis ninggalake papan kuwi.
“Lha
terus kira-kira menyang ngendi Kabayan lan Sidik?”
“Dhateng
Desa Sukatani, Pak,” wangsulane Pak Parto.
“Wa,
adoh yen ngono.Ya wis, muga-muga dheweke sakarone tansah wilujeng , lan tansah
oleh kanugrahan saka Gusti Kang Maha Agung. Amin
Sawise
Pak Kades rampung olehe pidhato warga masyarakat ngumpul ana kono terus padha
mulih menyang omahe dhewe-dhewe. Saperangan perangkat ngewangi Pak Polisi ngglandhang
Pak Amar menyang Sektor.
Warga
masyarakat desa kuwi padha mulih kanthi seneng ,apa maneh Pak Parto. Sajrone
atine padha lega amarga dhalange durjana wis
kecekel.
Ganti
sing dicaritakake ora kaya lakune Sidik lan Kabayan menyang Desa Sukatani.
Srengengene
wis gumlewang mangulon udakara jam siji awan. Kabayan lan Sidik wis kasil mlebu
ing Desa Sukatani. Sidik age-age mlebu pasar nggoleki para langganane bakul
buah dene kabayan nggoleki omahe Pak Markasan. Pak Markasan kuwi sedulure tuwa
Abah, lan Kabayan anak mantune Abah. Dadine Kabayan yen ngaturi marang Pak
Markasan, Pak Gedhe.
Wancine wis jam telu sore Kabayan mlaku ijen durung ketemu panggonan
sing dituju.Kabayan ngliwati dalan sing bawera tengah sawah bera. Dheweke weruh
kluwung ana sisih wetan. Wernane kluwung iku Abang , jingga, kuning, ijo,
biru,nila lan ungu. nambahi gregete Kabayan sajroning mlaku.
Bareng
wis tekan dalan sing eyub Kabayan kepengin rengeng rengeng nyandra anane
kluwung mau. Dene tembange nganggo pupuh Dhandhang gula anggitane kang angripta
carita kaya ing ngisor iki.
Wayah sore sang surya majari
Bagaskara ing jagad pracima
Sumunar aweh cahyane
Cahya abrit lan biru
Jingga kuning kang anelahi
Ijem katempuh nila
Datan kantun ungu
Kluwung malengkung hing purwa
Yeku ana tirta jawah hanglimputi
Hyang manon sung nugraha
Lakune
Kabayan saya suwe saya cedhak panggonan sing dituju yakuwi omahe Pak Markasan.
Sawise tekan ngarep omah Panggung. Kabayan mandheg sawetara saperlu nyetitekake
omah kuwi. Omah kuwi mujudake omah panggung saka kayu, aling-aling gedhek ,
latare jembar. Sajake omah kuwi omahe pak Markasan . Kabayan mlebu latar terus uluk salam.
“Sampurasun....”
Kabayan
krungu ana swara sandhal diseret mbukak kori.
“Rampeees..”panyapane
sing duwe omah kanthi semanak.
“Menapa
leres menika daleme Pak Markasan?”
“Inggih
Nakmas, kula Markasan.”
“O.
Pakdhe kula Kabayan mantune Abah.”Kabayan nepungake.
“Sing
gedhe pangapuramu Kabayan, aku rada lali.”
“Inggih
Pakdhe, lha nembe kepanggih sepisan.kula piyambak dereng apal Pakdhe.”
Sawetara
kuwi jumedhul Abah, Simbok lan Gemi.
Sabanjue
padha mlebu ngomah lan jagongan kebak rasa paseduluran.
3.Uwit Gedhe Awoh Gedhe
L
|
elakone Kabayan
pancen ngguyokake , Sanadyan wong ora duwe nanging kebak kabagyan. Gaweane
nenandur mulane diarani among tani. Sanadyan melu mara tuwa nanging ora
nguciwani . Biyen kondhang mbelere, nanging saiki kondhang akale. Amarga akeh
bektine mring Kang Kuwasa mulane akeh bejane.
Ing wayah esuk sadurunge menyang
sawah Kabayan ngombe kopi panas, sinambi
omong-omongan karo bojone sing pinter lan ayu jenenge Gemi eteung. Bareng wis
sawetara anggone ngombe, Kopi ing cangkire entek.
|
“Gemi,
kopine wis entek.”Tembunge Kabayan karo ngadeg.
“Yen wis entek, ya terus nganggo
klambi dhines.”
“Klambi dhines? Pancene aku pegawe
kantor.”
“Lha, rak iya ngono, ta. Genah pegawe
pertanian ngono, kok.”
“Wah
kowe kuwi, ngece ya?”
“Ya ora, ta. Karo bojone kok ngece.”
Sawetara wektu Kabayan menyang kamare
terus metu wis nganggo klambi ireng, kathok komprang ireng ngango caping lan
gawa arit, mikul pacul.
“Mi, kok hawane isih adhem, ya...”
“Uwis ta, aja kakehan alesan. Kuwi
tugas saka Gusti Allah marang Kakang, mulane ndang ditindakne. Aja gawe
kuciwane Abah.”
“Ya, katimbang diomeli.”
“Lha iya, mula kuwi enggal mangkat.”
“Mengko yen ngirim aja awan-awan ya!”
“Inggih, juragan. Sendika dhawuh”
“Uwis ya aku mangkat dhisik.”
Kabayan mangkat saka ngomah menyang
sawah sing ana njaban kampunge. Esuk iku pancen hawane rada adhem , amarga
pancen mangsa ketiga.Ing dalan dheweke ketemu karo pawongan sing padha arep
menyang pasar.Ana sing arep blanja lan ana uga sing gawa barang dagangan asil
bumi.
Sateruse Kabayan menggok dalan cilik
sing tumuju menyang sawahe. Dheweke uga kepethuk karo para pangon sing arep
mlebu menyang kandang sapi utawa wedhus. Ora let suwe pangon kuwi padha nggiring
sapi utawa wedhuse menyang lapangan sawah dbera sing ana lereng gunung.
Sadurunge
tekan sawah , Kabayan liwat sawahe Pak
Soma sing wektu kuwi lagi ditanduri semangka. Katon semangkane wis gedhe-gedhe
tandha yen sadhela aneh arep panen.Pak Soma bakal panen gedhe mendah seneng
atine. Sawise ngliwati sawahe Pak Soma , kabayan ngliwati uwit gedhe sing
godhonge ngrembuyung, jenege ringin. Sangisore uwit ringin kuwi ora ana
tandurane. Amarga kayoman godhong ringin. Ya ing kono kuwi Kabayan lan Abah
asring padha ngeyub nalika leren nggarap sawah.
Saiki
Kabayan uwis tekan ing sawahe. Satleraman Kabayan ndeleng parine ing sawah wis
padha kuning . Ateges sadhela maneh bakal panen pari, lan sawahe ora mbutuhake
banyu maneh. Tulakane banyu sawah wiwit ditutup. Suket sing ngganggu diresiki.
Kabayan
terus nyambut gawe nganti srengengene dhuwur. Bareng srengengene wis dhuwur
hawane saya panas awake krasa kesel. Dheweke terus leren, nguwisi anggone
ngarit suket.
Kabayan
leren ana ngisor uwit ringin. Capinge dicopot lan diselehake ana oyoding
waringin. Klambi irenge diuculi kanggo ngurangi rasa sumuke. Saka kono Kabayan
ngulati sawah sing arep diresiki kari sathithik .Mengko sawise leren bakal
diresiki nganti rampung.
Nalikane
kabayan nyelehake ana oyoding ringin sing gedhe, dheweke ngulati pating bececer
uwoh ringin cilik-cilik. Sumiliring angin lan rasa edhum awit ngrembuyunge godhong ringin kuwi
nambahi kepenake Kabayan anggone leren.
Muga
–muga Gemi ora telat anggone ngirim kanggo mangan awan. Datan rinasa wektune
saya suwe Gemi teka nggawa kiriman mangan awan.
“Adhuh
Kang, aku telat ngirim.”
“Ora
apa-apa, lha ana apa ta nganti telat?”
“Mak Iroh mara nggawa dagangane bathik.
Ngobrole suwe nganti aku lali ngirim. Kamangka wis dak cepakake wiwit mau.”
“Ya
uwis ayo mangan.!”
“Iya,
ayo.”wangsulane Gemi karo ngetokake sangu sing digawa saka ngomah. Pangananne
mung saanane, sega putih nganggo lawuh tempe, gereh lan sambel. Sanadyan
mengkono ,anggone mangan krasa enak dhasare wetenge ya wis krasa luwe. Gemi
ngancani bojone anggone mangan nganti rampung.
“Mi,
aja mulih dhisik ya. Aku dak ngrampungake gaweanku sadhela wae terus mengko
mulih bareng.”
“Ya,
dak tunggu.”
Sawise
mangan Kabayan terus mbacutake gaweane sing durung rampung.Ora let suwe Kabayan
wis kasil ngrampungake gawean. Sakarone terus padha mulih bebarengan.
Nalikane
ngliwati semangka ing sawahe Pak soma Kabayan thukul tandha pitakone.
|
“Mi,
delengen kae lan semangka iki!”
“Ya,
ana pa Kang?”
“Uwit
ringin mau gedhe banget, godhonge ngrembuyung akeh banget, satemah saben uwong
bisa ngeyub ana ngisore.Mung emane...”
“Emane
, kepiye.Kang?”
“Uwohe
mung cilik-cilik.”
“Ya,
pancen saka kanane ngono, kok.”
“Terus
saiki delengen, uwit semangka kuwi!”
“O,
Kakang lagi mbandhingake semangka karo ringin ta?”
“Iya,
semangka kuwi sanajan uwite mung cilik nanging uwohe , wah ,gedhe banget.”
“Lha,
terus karepe kepiye?”
“Dak
pikir sing Maha Kuwasa kuwi ora adil.”
“Lho,
kok bisa ngono, Kang. Ora kena ngono kuwi. kuwalat kowe mengko.”
“Ya,
karepku ngene lho. Becike uwit ringin kuwi uwohe gedhe-gedhe kaya semangka.”
“Wah,
ora bisa kuwi Kang, lha wong kuwi karepe Gusti Allah.”
Wektu
kuwi Kabayan terus meneng amarga ora bisa nerangake marang Gemi. Sakarone mlaku
bebarengan nganti tekan ngomah.
Sawise
mangan bengi Kabayan ngrasakake sayah ,dheweke turon jebul malah turu tenan. Sajrone turu, Kabayan
ngimpi. Sajrone ngimpi dheweke rumangsa ana sawah karo Abah,Simbok lan Gemi.
Wektunee lagi panen. Panene nganti
sepuluh karung gedhe. Mula dheweke seneng atine, mbok manawa lagi ora ana ama
wereng.
Saben
dina gabahe dipepe ana latar amba. Sawise garing gabah mau diselepake menyang
penggilingan beras. Sabanjure Abah lan kabayan adol beras kuwi. Dilalah payune
beras kuwi dhuwur mulane Abah lan Kabayan tuku klambi karo sarung anyar.Dene
Simbok lan Gemi ditukokake jarik bathik anyar.
Sawise
rampung anggone blanja Abah mulih karo Kabayan
numpak kreta andhong. Nalika tengan ngarep omah Kabayan Kaget amarga ing
ngarepan omah kuwi ana wit ringin gedhe. Sing dadi gumune dudu anane uwit
ringin mau nanging uwohe ringin sing gedhe-gedhe padha semangka.
Ora
adoh saka ringin kuwi ana uwit semangka sing uwohe mung cilik-cilik kaya uwoh
ringin. Sing nggumunake maneh Abah weruh kahanan kaya ngono kuwi ora gumun lan
ora nggagas. Ketitik Abah terus wae nggawa blanjane mlebu ngomah.
|
Nalika
Kabayan ngulati uwoh ringin kuwi dumadakan ana angin sing gedhe. Saking gedhene
angin kuwi, nganti uwoh ringin sing akeh banget tur gedhe-gedhe kuwi padha tiba
nibani sirahe Kabayan, semono uga uwoh semangka sing cilik-cilik mau. Uwohe
semangka sing cilik-cilik mau padha kabur banter ngenani awake Kabayan.
“Adhuh...
lara...” Kabayan njerit seru banget. Sirahe lara banget ketiban woh ringin sak
semangka gedhene, lan awake dibandhemi uwoh semangka sing cilik-cilik padha
karo uwoh ringin.Kabayan ambruk ana latar.
“Kang...,tangi
Kang,” Pakone Gemi karo nggoyag –oyag awake Kabayan kanthi seru. Kabayan tangi
jebulane mung ngimpi.
“Adhuh...adhuh
, wah , wedi aku...” Omongane Kabayan
karo tangi saka anggone turu.
“Ana
apa ta Kang?” Pitakone Gemi gumun.
“Aku
ngimpi serem medeni banget.”Omonganmu mau bener Mi, dadi kasunyatan”
“Omongan
sing endi?”
“Mau
lho, ngenani semangka karo ringin mau.”
“O,
iya , Lha terus sambunge karo impenmu apa?”
”Anu,
sajerone ngimpi nglatare dhewe kuwi ana uwit ringin jejer karo uwit semangka. Uwit
ringin jejer karo uwit semangka ana ngarepan omah. Ringine awoh gedhe-gedhe sak
semangka , uwite semangka awoh cilik-cilik padha uwoh ringin, aku ana ngisor
ringin ngulati dhuwur dumadakan ana angin gedhe . Uwoh ringin kuwi padha tiba nibani
sirahku.Uwoh semangka mbalangi awakku.Wah ngeri.”
“Kuwi
impen impenen Kang Jenenge.
“iya,
Mi. Impen ngono kuwi diarani Kacakrabawa”
“Kacakrabawa
kepiye ta Kang? Kok aku durung ngerti.”
“Aku
wingi bubar mbukak buku primbon. yen impen kaya ngono kuwi diarani kacakrabawa,
sing tegese awane bubar mikirake, terus wengine ngimpi persis kaya sing dipikir
sadurunge turu mau”
“Mulane,
Kang. Ora sah mikir neka-neka. Awake dhewe ora kena ngarani Gusti Allah ora
adil. Uwit ringin gedhe uwohe cilik lan uwit semangka mung cilik malah uwohe
gedhe wis ben, disyukuri wae. Kabeh mau wis dadi keparenge Gusti Allah, sing
pancen diciptakake kanthi sampurna.
4. Rasa Syukur
Y
|
Yen wis
kaparingan kudu tansah eling Kang Peparing. Peparinge Gusti Allah kudu tinampa
kanthi kebak rasa syukur kinanthenan pambudidaya murih tansah lestarine. Rasa
syukur marang Gusti ora cukup mung mandheg aneng pamikir, nanging kudu
kinanthenan tumindaking pakarti. Pakarti pinangka ngatonake rasa syukur iku bisa
awujud nglantarake kanugrahan mring sasama. Sasama ora ateges mung pawongan
sing nunggal pengandel utawa nunggal golongan, nanging sakabehing titah kang
ana ing jagad raya.
|
“Kabayan,
mrenea sadhela.” Dhawuhe Abah saka kamar ngarep.”Menyang ngendi ta, Kabayan ?
Mi, bojomu, menyang ngendi?”
“Adhuh Abah, enten napa?Kok
bengok-bengok?” Pitakone Gemi sing metu saka dhapur.
“Menyang
ngendi bojomu , Mi ?Aku pengin omong.”
“Nembe
ten wingking, Bah.”
“Lagi
ngapa?”
“Mbedhol
pohong wonten pekarangan wingking.”
“O..Yen
wis rampung kon mrene, aku pengin omong.”
“Inggih,Bah,
Kula ten wingking riyin ngrampungke damelan.”
“Ya,
lha Simbokmu menyang ngendi?|
“Lho,
kados pundi ta, Bah, Simbok rak dhateng peken ta.”
”O.
Iya, ya aku lali.”
“Inggih
mboten maiben Bah, Lha wong sampun sepuh”Wangsulane Gemi karo menyang dhapur
ngrampungake pakaryan padinane, masak kanggo sakulawarga.
Abah
sajake wis ora sabar mulane dheweke age-age menyang pekarangan mburi nggoleki
Kabayan. Abah weruh Kabayan lagi mbedholi pohong sing wis bisa dipanen. Lemahe
gembur mulane Kabayan nggunakake garpu supaya gampang olehe bedhol pohong.
“Kepiye
pohunge Kabayan?” pitakone Abah karo nglumpukake pohung sing wis dibedhol.
“Sae,
Bah.”
Wektu
kuwi kabayan wis meh rampung anggone mbedholi pohung , mung kari sauwit.
Age-age Kabayan ndhongkel lemahe nganggo garpu terus uwite pohung dibedhol. Panene
pohung wektu kuwi pancen apik tenan, pohunge gedhe-gedhe.
Sinambi
ngresiki pohung Abah terus ngomong karo Kabayan.
“Kabayan
sisihna pohung kuwi sapra sepuluhe!”
“Kangge
menapa ,Bah?”
“Diwenehake
menyang tangga teparo.”
“Inggih,
Bah.”
“Lha
aku wingi kongkon menyang Nggone Adhiku sing jenege Farid apa wis mangkat?”
“Dereng
Bah. Mangke siang kula bidhal.”
Wektune
wis awan Kabayan age-age mangkat menyang ngomahe adhine Abah sing Jenenge Farid. Farid kuwi
uripe luwih rekasa katimbang kulawargane Abah. Anake akeh durung ana sing
mentas siji-siji wae. Gemi nyepakake gawane arupa beras lan asil bumi liyane.
Kabayan
mlaku terus tumuju menyang Desa Sukasari omahe Pak Farid. Dheweke mlaku
ngliwati lembah sing subur . Ana kali sing iline ngliwati dhaerah kono kuwi.
Sesawangann sakiwa tengene dalan katon asri. Nambahi betahe sing padha
nyawang.Tanduran katon ijo royo-royo ngatonake manawa bakal ngasilake panen
sing luwih becik.
Sawetara
anggone mlaku Kabayan tekan dalan sing rada munggah. Ing kono akeh omah
jejer-jejer katon temata. Pagere digawe saka pring nanging katon rapi. Witwitan
dhuwur-dhuwur nambahi edhume swasana .
Bareng
tekan omah cilik sarwa prasaja Kabayan mandheg sadhela. Jroning ati tuwuh
tandha pitakon “apa bener iki omahe Lik Farid.” Durung suwe Kabayan ndelengi
omah cilik kuwi dumadakan ana bocah cilik liwat. Bocah cilik kuwi umure udakara
wolung tahun.
“Lhe
, mandheg dhisik!”
“Ana
apa lik?”
“Jenengmu
sapa?”
“Jenengku
Ujang”
“Omahmu
ngendi?”
“Kono
kuwi, Lik.”
“Aku
takon, apa kowe ngerti omahe wong sing jenenge Farid?”
“Ya
, mesthi ngerti Lik.Farid kuwi tanggaku,Kok.”
“Aku
terna menyang omahe, ya!
“Ya,
ayo.”
Bareng
tekan omah sing gedhe jembar latare Kabayan mandheg ,amarga dheweke gumun,
lhakok omahe gedhe kaya ngene. Sajake sing duwe iki wong sugih, ateges ora
cocok karo ngendikane Abah.
“Jang,
Ujang. Apa bener iki omahe Farid.”
“Ya,
dak jelukake ya.Lik ”
“Fa...rid.
Kowe digoleki!”Ujang nyeluk karo mlebu latar.
Ora
let suwe ana bocah cilik umure udakara limang tahun, metu saka ngomah. Bocah
kuwi mlayu marani Kabayan terus ngrangkul. Kabayan saya bingung, “ana apa bocah
cilik iki, ngerti –ngerti kok ngrangkul aku”. Durung nganti Kabayan nakoni
dumadakan ana wong tuwa lanang metu saka ngomah, Bareng weruh bocah cilik
ngrangkul Kabayan, Wong tuwa sing jenenge Pak Tarmo kuwi age-age marani
Kabayan. Pak Tarmo katon seneng atine. Kabayan saya bingung.
“Ayo
mlebu ngomah dhisik Nak.”
“Inggih
Pak.” Wangsulane Kabayan karo mlaku nyekel tangane bocah cilik mlebu ngomahe
Pak Tarmo. Gawane Kabayan diselehake ana njaba.Dene Ujang sing ngeterake mau
terus mlayu lunga.
Kabayan
mlebu kamar tamu ngomahe Pak Tarmo, terus lungguh karo mangku bocah lanang
cilik mau.
“Rani,
Iki lho, Bojomu teka.”Pak Tarmo nyeluk Rani ibune bocah kuwi sing lagi ana
dhapur.
Durung
nganti Rani teka dumadakan Bu Tarmo wis teka ana kono.
“Wilujeng
, Nak. Pandangune Bu Tarma kebak semanak”
“Inggih
,Bu, Pangestunipun.”
“Wis
suwe, kowe diarep-arep anakmu.”
Krungu
tembung sing kaya ngono kuwi Kabayan terus meneng. “O, ateges aku dikira Bapake
bocah iki, nanging geneya bocah iki durung tepung Bapake?”Kabayan ngudarasa.
Ora
let suwe Rani mlebu kamar tamu.
Bareng
weruh anake dipangku Kabayan , dheweke gumun, geneya anake njaluk pangku
pawongan kuwi.
“Pundi
Pakdhe semah kula?”
“Lha
iki ta, anakmu wis njaluk pangku.”
Bareng
krungu ngendikane Pak Tarmo Rani ora wangsulan malah nangis. Kahanan kaya ngono
kuwi ndadekake Pak Tarmo lan Bu Tarmo bingung setahun jumbleng sarendheng.
|
“Lho
kepiye, ta? Bojone sing diarep-arep wis teka , kok malah nangis?.”
Ngerti
kahanan kaya ngono kuwi Kabayan terus matur marang Pak Taramo lan Bu Tarmo.
“Nuwun
sewu, Pak,Bu. Kula sanes bojone Adi Rani menika.”
“Lho,
piye ta? dadi bingung aku.”Ngendikane Pak Tarmo kaget.
“Nami
kula Kabayan, saking Desa Suka Makmur.”
“O...dudu
bojone ponakaku iki?”
“Sanes
Pak.”
“Lha
terus,kena apa Farid njaluk pangku karo kowe, Nak.”
“Anu...
Pakdhe, mbok bilih Kang Kabayan dipun kinten Bapake.” Ature Rani karo ngusapi
eluhe, nganggo tangan.
“O...ngono.”ngendikane
Bu Tarmo.
“Lha,menapa
Pak Tarmo dereng mangertos, garwane Adi Rani?”
“Durung,
Nak.”
“Kengeng
menapa?”
“Ponakanku
iki omahe adoh saka kene sedina lagi tekan , Nalika ponakanku dadi manten
limang tahun kepungkur, aku ora bisa melu nunggoni, sabanjure dheweke ya ora
nate sowan mrene.Mulane aku durung tepung dheweke”
“Lajeng.”
“Lagi
seminggu iki dheweke ana kene karo anake”
“O,
ngaten.Ljeng kengeng menapa Farid ketingalipun dereng tepung kalih
Bapake?”pitakone Kabayan.
“Lha
yen kuwi aku ora ngerti.”
“Anu,
Kang. Bapake wis patang tahun kepungkur lunga saka ngomah pamite menyang
Kalimantan.”Wangsulane Rani, karo njunjung anake saka pangkone Kabayan.
“Nyambut
gawe apa, menyang Kalimantan?”
“Pamite
golek emas.”
“Lha
terus apa ora nate mulih?”
“Ora,
Kang, bara-bara mulih , kirim wae ora
nate.”
“O..ngono,
ta.”
Sabanjure
Pak Tarmo genti nakoni Kabayan.
“Lha
terus Nak Kabayan iki arep menyang ngendi?”
“Kula
dipun utus Abah sowan dhateng griyane Pak Lik .”
“Lha kok bisa teka kene?”
“Ngaten
Pak, wonten margi ing ngajeng griya alit wau kula pinangih lare alit naminipun
Ujang.”
“O, bocah
sing ngeterake menyang kene mau?”
“Inggih,”
“Terus.”
“Amargi
dereng ngertos griyanipun , Kula taken”
“Paklike,
jenenge sapa?”
“Naminipun
Farid”
“O...ngono.
Ateges ujang mau ngira yen Nak Kabayan nggoleki kancane sing jenege Farid, ya
putuku iki ”
“Mbok
bilih mekaten.”
“Wa,
gawe gara-gara wae si Ujang. Jane Nak Kabayan mau wis bener dadi kleru.”
“Kados
pundi , ta Pak.”
“Ya,
omah cilik kuwi mau . omahe Pak Farid.”
“O,
inggih. Manawi makaten kula nyuwun pamit daya-daya sowan nggene Pak Farid.”
“Ya,
mangga.”
Mung
sawetara wektu wae kabayan wis tekan ngomahe Pak Farid sedulure Abah. Kabayan
mlebu ngomah tetepungan lan ngaturake kawigatene. Kabayan disuguh saanane
jagongan kebak semanak.Pak Farid lan kulawargane dadi seneng lan nambahi
rumakete pasedulurane antarane Abah lan Pak Farid sakulawarga.
Sawetara
anggone kabayan ana kono sanja dolan lan ngaturake saperangan asil bumi ,nganti
lali wektune jebul wis wayah sore. Age-age Kabayan pamitan mulih.
Nalikane
Kabayan mlaku mulih, ing dalan sachedhake omahe. Dumadakan ana enom-enoman sing
mlayu meh wae nabrak Kabayan.Nom-noman mau omahe ing desa sacedhake desane Kabayan.
“He,
ngati-ati yen mlayu. Mripate nyang ngendi?”
“O,
Kang Kabayan, ngapunten , lho Kang.”Wangsulane nom-noman sing njunjung
bunghkusan gedhe-gedhe kuwi.”
“O,
kowe Cep.”
“Benere
Kang, Aku.”
“Nggawa
apa kuwi?”
“Iki,
radio Tape.”
“Lagi
sing tuku?”
“Ora,
malah arep tak dol.”
“Laha
piye ta?”
“Butuh
dhuwit.”
“Murang
, Kang. Satus ewu.”
“Nonton,
barange.”
“Iki
lho, barange.”Kandhane Cecep karo mbukak dhus wadhah radio.”Aku butuh uang
cepat, Kang.”
“Nonton
barange apik, emboh njerone.”
“Kena
wae Kang, nanging ana ngomah.”
|
Lagi
wae Cecep nglebokake maneh radio tape kuwi menyang dhuse , dumadakan ana wong
loro mlayu banter nyedhaki.
“Mandheg! Mandheg dhisik!”bengoke
salah sijine pawongan kuwi, dene sijine malah nyekel Cecep.
“O, kowe. Junaedi karo Aceng ?”
Pitakone Kabayan gumun.
“Kang, ngertia, Cecep iki arep adol
radio tape sing dudu duweke.”Katerangane Junaedi.
“Lha, terus duweke sapa?”
“Duweke Emake.”
“Lho, duweke Emake kuwi ya duweke
dhewe.”
“Ya, yen njupuke ora ngomong apa ora
jenenge maling? Apa maneh yen adole mung arep dianggo main.”Katerangane Aceng
kakange Cecep.
“Lha terus piye iki?”
“Ya , saiki barange kudu digawa mulih
lan Cecep ya kudu njaluk ngapura karo Emake..”Wangsulane Junaidi.
“Ya, sakarepmu.”
“Matur nuwun Kakang wis ngewangi aku.”
“Nulungi apa ?, aku ora ngewangi
apa-apa.”
“Terus terang, Kang tanpa bantuane
Kakang Kabayan, aku ora bisa nguyak Cecep.”
Cecep mung meneng wae nalika direbut
barange. Kabayan mung gedheg-gedheg weruh pokal gawene Cecep sing ora prayoga
kuwi. Masa nyolong duweke wong tuwane dhewe. Goblok tenan bocah kuwi.
Kabayan mung ndomblong weruh wong telu
padha terus mulih karo nggawa radio tape kuwi.
Ora let suwe Kabayan wis tekan
ngomahe. Bareng wis ngaso sawetara wektu, Abah, Simbok lan Gemi padha dicritani
ngenani kabare Pak Farid lan lelakone sing ngguyokake.
5.Omah Dicet Ireng
A
|
na sawetara
panemu ngenani warna, tumrape saperangan
pawongan mujudake pralambang utawa pratandha gegambarane kahanan kang lagi
hanglimputi . Beda-bedane mujudake seje rasa pangrasa apadene pambegane manungsa.
Kumpuling warna kang beda lamun tinata bisa akarya sengseming wardaya.
Sakabehing tumitah anane beda –beda nanging lamun nyawiji bisa pinangka cihna
lamun Kang Hanyipta Sipat Sampurna.
|
Wayahe wis sore sadhela maneh bakal
wengi. Abah ,Simbok , Gemi lan Kabayan padha nglumpuk ana kamar ngarep.
Reged-reged wis diresiki lan samubarang sing bakal digunakake wis Cumepak
“Sadhela maneh awake dhewe bakal
nganakake Syukuran nanging aku rumangsa durung samekta, isih ana sawijining
prekara sing kudu dirampunake.”Ngendikane Abah.
“Prekawis menapa, Bah” Pitakone Kabayan.
“Prekara gedhek omahe dhewe iki”
“Lha , sampun sae ta Bah,.”Panyaute
Gemi.
“Iya naging delengen kuwi ,gedheke wis
kusem, katon reged.”
“Lha piye ta, Bah karepmu
kuwi?”pitakone Simbok.
“Piye upamane gedheke dicet maneh?”
“Inggih prayogi, Bah”Kandhane Kabayan.
“Ya, yen ngono sesuk tukua cet
sacukupe!”
“Inggih,Bah.”
“Sawise tuku terus dicet. Wiwit njero
nganti jaba. Aja nganti ana sing keliwatan.”
“Ingih,Bah.”
“Sesuk Abah, lan Simbok arep menyang
omahe sedulur sing cerak kecamatan.Sadurunge aku mulih tak jaluk wis rampung.”
Kabayan wektu kuwi ora mangsuli, mung
manthuk. Embuh wis ngantuk apa wis kesel. Sawise wengi terus padha turu menyang
paturone dhewe-dhewe.
Esuke terus padha lunga. Abah lan
Simbok menyang omahe sedulur, dene Kabayan menyang toko lan Gemi menyang pasar.
Bareng tekan sawijining toko Besi,
Kabayan ketemu karo sing duwe toko. Tokone gedhe akeh barang-barange.
“Mangga Kang , arep ngrersake apa?”
“Arep tuku cet.”
“Wernane apa? kuning, abang, putih, ijo , ireng apa ungu,?”
“O..akeh ta, warnane ? Wa..Lha kuwi,
sing aku dadi bingung.”
“Warna-warna kuwi nggambarake rasane
ati, Kang.”
“Yen werna abang mertandhani yen lagi
seneng lan semangat.”
“Yen warna kuning?”
“Tegese keagungan.
“Wah, apa iya, lha yen biru?”
“Atine lagi kepengen ngrasakake
seneng.”
“Putih?”
“Nggambarake resik atine. Lan polose
sing duwe omah.”
“Ijo mratandhni apa?”
“Edhum ayem tentrem.”
“Yen violet mesthi ora ngerti.”
“Ya ngerti ta Kang. Violet lambang
jiwa sing lagi martobat.”
“Wah pinter tenan kowe?’
“Ya mesthi ta kang, wong aku kerep
maca koran.
“Dadi nggon koran ya ana ta lambang warna kuwi?”
“Dadi nggon koran ya ana ta lambang warna kuwi?”
“Lha iya, apa kowe ora nate maca?”
“Bara-bara maca, weruh wae ora nate.
Ora ana wektu.”
“Lha , saiki Kang Kabayan milih werna
apa?”
“Kosik aku dadi bingung.O iya, yen
ireng , mralambangi apa?”
“Lha kuwi regane paling murah Kang,
ireng tegese ati lagi sumpeg lan sedhih.”
“Ya, yen ngono aku milih werna ireng
wae.”
“E... mengko dhisik, Bener werna ireng
tenan.”
“Ya mesthi. Tulung aku njaluk segalon,
iki dhuwite.”
Sing duwe toko mung mlongo krungu
panjaluke Kabayan. Nanging bareng weruh dhuwit sing diwenehake anjalari dheweke
ora sida ngomong apa-apa.
Karo singsot Kabayan mulih nggawa
segalon cet warna ireng lan kuas. Sawise
tekan ngomah dheweke ora ketemu Gemi bojone. “Ana ngendi Gemi? Apa ana gandhok?
Nanging ing dhapur ora ana. Apa ana sumur umbah-umbah? Uga ora ana. Ah mbok
manawa lagi menyang warung blanja.”
Sawise nggoleki bojone ora ketemu dheweke
terus mbukak galon isi cet ireng.
“Ya, ora apa-apa. Aku dak wiwit
nyambut gawe”.Age-age Kabayan wiwit ngecet gedhek omahe. Kabeh gedhek dicet
nganggo werna ireng. Nalika meh tengah awan, gedhek njaba uga wis dicet nganggo
warna ireng.
Wancine tengah awan anggone ngecet wis meh rampung kabeh , mung kari perangan
njero bakal dirampungake dina sesuk . Kabayan mesam-mesem ngguya ngguyu dhewe.
Nganti tekan wektu kuwi Gemi ya durung mulih. Untung wae dheweke wis nyepakake
pangan ana gandhok.
Nalikane Kabayan wijik tangan sawise
mangan awan dumadakan dheweke weruh warnane klambi sing cementhel lan kelingan
warna cet omahe. Dheweke grenang-greneng dhewe”Wah , luwih pantes maneh yen aku
nganggo sandhangan sarwa ireng. Sawise nganggop sandhangan sarwa ireng Kabayan
mbacutake maneh pakaryane. Durung sawetara suwe dumadakan Gemi teka , nanging
ora terus mlebu ngomah. Gemi ngadeg ana tengah lawang karo mentheleng mripate.
Kabayan age-age metu nemoni bojone sing lagi teka ora gelem mlebu omah.
|
“Wadhuh-wadhuh...Kang...Kepiye
karepmu kuwi?” Pitakone Gemi karo nesu.
“E. Ora ana gludhug ora ana udan kok
ana bledheg nyamber-nyamber?”Wangsulane Kabayan karo nyedhaki Gemi.
“Kang Kabayan ki kepiye, omah kok
dicet ireng?”
“Lha piye ta, apa ora oleh, omah dicet
ireng?”
“Apa kakang wis nate weruh omah sing
dicet ireng?”
“Uwis wae.”
“Ngendi?omahe sapa?”
“Lha iki, kene iki, omahe Abah.”
“Liyane ?
“Ya , ora ana,”
“Omah sing dicet ireng kuwi ora ana
Kang, Kajaba omahe wong sinthing.”
Krungu tembung kaya ngono kuwi Kabayan
mung meneng.
“Edan kuwi jenenge , yen omahe dhewe
dicet ireng.”
Kabayan mung meneng wae ngrungokake
Bojone nesu.
“Rungokna
Kang, omahe maling, rampok, begal kecu wae ora dicet ireng, malah omahe
koruptor wae ora ana sing dicet ireng. Lha iki omahe dhewe kok dicet ireng,
mengko Abah lan Simbok yen teka piye?”
Sawise
Gemi ngetokake kabeh rasa nesune marang Kabayan, awake terus lemes dheprok ana
tengah lawang, Kabayan age-age njupuk banyu putih menyang dhapur.
“Wis
iki diombe dhisik.”
Gemi
nyekel gelas kuwi terus diombe banyune. Wadanane abang branang. Sawise kuwi
dheweke mung meneng atine susah, mbok manawa wis kentekan tembung sing arep
kanggo nyengeni bojone. Anehe Kabayan ora rumangsa salah nindakake pakaryan
kaya ngono kuwi.
Dina
esuke Abah lan Simbok wis tekan ngomah. Mesthine wae dheweke uga bakal kaget
manawa weruh omahe dicet ireng kuwi.Mbok manawa Kabayan pancen wis edan ora
waras.
“Wadhuh...
Kabayan... geneya omahe dicet ireng? Ana ngendi kowe weruh omah dicet ireng?”
pitakone Abah karo srengen.
Kabayan
ora mangsuli apa –apa raine lugu malah katon ora maelu ngendikane Abah.
“Ayo,
wangsulana! ”
“Kula
kedah wangsulan pripun,Bah?”
“Wadhuh
wong iki,”swarane Abah saya sora.”Coba rungokna, saka pengalamanmu sing wis
suwe kuwi dak kandhani ya. Manawa warna ireng kuwi nggambarake petenging urip.
“Warni
cemeng, lharak inggih sae Ta Bah?”
“Apik
dhengkulmu kuwi.”
“Mangke
rumiyin,Bah. Sepur menika warnanipun cemeng, malah kathah ingkang ngentosi.”
“Sepur
kuwi, beda karo omah. Lha kok ngeyel ta.”
“Bener,
Kang. Malah Raden Ajeng Kartini kae nulis buku diwenehi judhul habis gelap
terbitlah terang, kae nyatane ya apik, ya Kang. Gemi nglulu Kabayan.
“Ya,
pancen bener, omahe awake dhewe iki warnane wis ora putih maneh amarga wis
kusem .”Abah genti ngandika.
Kabayan
sabanjure meneng wae malah yen ditonton kaya wong lagi semedi. Andadekake
tambah nesune Abah.
“Lan
manehe yen nganti kahanan iki dingerteni dening aparat keamanan apa ora
dadekake perkara.” Kandhane abah kanthi semangat.
“Lha
kenging menapa, Bah?”
“Mangertia
Mi. Warna ireng kuwi ora disenengi dening aparat keamanan. Amarga warna ireng
kuwi dadekake cubriya.”
“Kenging
menapa nyubriyani,Bah?” pitakone Gemi maneh.
“Yah
genah,Mi.Manawa gedhek dicet ireng, sorote lampu saka njero ora tembus tekan
jaba.”
“Lajeng?.”
“Lha,
yen rapat ana jero omah ora ana sing weruh. Amarga omahe peteng dikira ora ana
sing ngenggoni.Yen ana sing ngenggoni dikira lagi nganakake rapat peteng.”
“Inggih
leres, nggih. Warni cemeng saged dadosaken perkawis ageng. Dipun kinten wonten
menapa – menapa,” ature Gemi sing wiwit mudheng.
“Ya
mbok menawa rembugan peteng. Mbok menawa para maling lagi nganakake rembugan
ing jero omah peteng, kanggo nglancarake pakaryane. Utawa para koruptor sing
bareng - bareng rembugan ngenani rancangane.”
“Utawa
ngene, Bah,” saiki simbok sing ngendikan. “Uwong sing ngenggoni omah peteng
mesthi duwe pikiran peteng. Amarga pikirane peteng duwe niat sing peteng.”
“Ah
kok dadi sarwa peteng,ya. Ana rapat peteng, rembugan peteng, pikiran peteng,
lan wusanane niat peteng.”panyelane Gemi.
“Ya
ngono kuwi, manawa omah dicet warna ireng. Malahan yen ana wong sing ora
seneng, awake dhewe mesti dilaporake polisi lan terus digrebeg.”
“Wah,
gawat Kabayan,” kandhane Simbok.“ omahe dhewe disatroni polisi.”
“He,
Kabayan. ngapa kowe mung meneng wae?” Abah nggetak.
Kabayan
isih meneng wae, ora ngomong apa apa.
“Ayo
wangsulan!”pakone Abah.
“Bener,
Kang. Kandhakno alesanmu !” Pamrayogane Gemi.
“Dadi
aku kudu mangsuli?” pitakone Kabayan kaya wong bingung.
“Ya,
mesthi wae. Ngomonga apa alesanmu?” pakone Abah.
“Inggih
,” kandhane Kabayan karo ngunjal abegan. “Kula caosi priksa Abah, Simbok lan
Gemi. Wekdal menika pancen kula kepengin ngecet griya menika ngangge werni cemeng
. amargi warni cemeng menika dipun ajrihi tiyang sanes lan mboten nate kangge .
Kamangka inggih salah satunggale warni, tuwin reginipun paling mirah.”
“Ya,
nanging omah dicet ireng kuwi ora lumrah” ngendikane simbok.
“Lha
rak,ngecet menika hak saben tiyang?”
“Pancen
bener. Nanging kena apa sawise kowe ngecet gedhek kanthi warna ireng, terus
kowe nganggo sandangan sarwo ireng ?” pitakone Abah.
“Dadose
sedaya mboten sarujuk menawi griya menika dipun cet cemeng? Lan mboten sarujuk
menawi kula ngangge sandangan sarwa cemeng?”
“Mesthi
wae, ireng uga mralambangi dhuka cipta lan samubarang sing sedhih.” Ngendikane
Abah
“Inggih,
benjang kula badhe tumbas cet warni pethak.” Kasaguhane Kabayan. “Nanging,
kangge ngecet betahaken wekdal radi sawetawis. Kula betah wekdal kalih dinten.”
“Ya,
arep rong dina utawa telung dina sing penting warnane diganti putih.”
Ngendikane Simbok.
Sawise
kuwi ditunggu-tunggu nganti telung dina, kabayan durung ngecet gedheke nganggo
warna putih. Mung ana sawetara owah owahan polatane kabayan. katon luwih
sumunar lan padhang. Kanthi sandangan sarwa ireng, dheweke katon luwih percaya
dhiri lan malah wiwit gelem nyambut gawe kanthi polatan tansah mesem.
Mbok
menawa kabeh sesanggan uripe wis ilang. Lan perkara kuwi disulihi dening
sandhangan ireng lan omah sing dicet ireng.
Pancen
bener perkara omah dicet ireng kuwi kanthi cepet sumebar ing kampung – kampung
lan desa – desa. Perkara iki uga oleh kawigaten saka Pak Sekdes alias
Sekretaris Desa. Dheweke age-age mertinjo menyang omahe Kabayan sing werna
ireng kuwi.
|
“Kabayan,
apa alesanmu omahmu dicet ireng?” pitakone Pak Sekdes.
“Kula
mboten saged mangsuli, Pak. Cobi dipun penggalih kanthi wening kawontenan
sapunika,” kandhane Kabayan kalem .
“Apa
kowe lagi bingung? Mbok manawa amarga kahanan perekonomian sing saya semrawut.”
Pak Sekdes aweh pamikire.
Kabayan
isih meneng.
“Bisa
uga amarga saiki wis angel mbedakake antarane sing apik lan sing ala. Kabeh mau
wis ora ana bedane. Malah antarane sing salah lan sing bener wis meh padha.”
“Ah,
panginten panjenengan ketebihen,” ngendikane Abah.
“Mbok
menawa Kabayan lagi protes marang kahanan, sing kudune salah malah dibela,
among tani utawa wong cilik diapusi .”
“Nyumanggakaken,
Pak Sekdes,” ngendikane Abah.
“Utawa
mbok manawa amarga saiki iki jamane wis edan, Pak,” Gemi melu matur.
“Apa
amarga kuwi Kabayan?” Pitakone Pak Sekdes.
“Amarga
apa, Kabayan?” Abah takon maneh.
“Ya,
wangsulana Kang!” Pakone Gemi
“Ha.
. . .ha. . ha. . ..” wusanane Kabayan gumuyu nyekakak.
Wong
papat sing ana kono kuwi padha kaget. Apa Kabayan wis edan tenan?.
“Ireng
. . . ireng. .. .ireng. . ngapa diudur ? aja ngomong sing ora ora. Aku ngecet
amarga aku pengin ngecet nganggo werna ireng. Sing nyulihi kahanan atiku sing
lagi peteng.”
“Lha
terus apa kowe arep terus gondheli warna ireng kuwi?” Pitakone Abah.
“Mboten,
Bah. saben wekdal wonten ewah –ewahan. Cemeng mawon badhe ewah dados luntur.
Namung...”
“Mung
kepiye?” Pitakone Pak Sekdes.
“Apa
kowe wis ora duwe tenaga kanggo ngecet?” Pitakone Abah.
“O,
mboten.”
“Lha
terus piye Kabayan?”
“Namung
. . . dereng gadhah arta kangge tumbas cet malih.”
“O.
. . yen kuwi ora masalah, Abah isih duwe simpenan dhuwit, sesuk tukuwa cet sing
putih.”
Kabayan
manthuk wong papat kuwi dadi tentrem. Wusanane Pak Sekdes terus kondur kanthi
ati lega.
Sawise
tuku cet putih Kabayan wiwit ngecet gedhek omahe kanthi gambira, polatane katon
sumeh lan dheweke nyambut gawe sinambi nembang.
Gemi
katon gumuyu ngulati Kabayan nyambut gawe karo tetembangan. Kanthi mengkono
nyambut gawene dadi krasa enteng lan cepet.
6.Golek Welut Putih
N
|
alikane Diman tukang seleb, tekan latar omahe Abah,
dheweke terus thothok-thothok lawang tengah karo uluk salam. Sabanjure Abah
metu saka ngomah lan ngajak Diman supaya enggal mlebu ngomah. Diman diajak
menyang kamar tamu. Bareng tekan kamar
tamu Kabayan njedhul saka kamare nemoni Diman sing lagi lungguh.
|
“Wis suwe ora mrene, Menyang ngendi
wae, Diman?”pitakone Abah sawise Diman lungguh.
“Ngapunten,Bah. Kula amargi karepotan
kula nyambut damel wonten panggenanipun Juragan Somad.”
“Nyambut gawe apa ?Kowe ,ana nggone
Juragan Somad?Pitakone Kabayan karo lungguh sacedhake Abah.
“Juragan Somad mbukak Seleb
penggilingan Gabah..”
“Wah...apik kuwi, Dadine yen arep
nyelebke Gabah ora perlu adoh-adoh menyang kampung liya.Ngendikane Abah.
“Inggih, Bah.Ewa semanten kula mriki
menika wonten kawigatosanipun, Bah.”
“Kawigaten apa?”
“Ngaten,Bah. Samenika Juragan Somad
nembe gerah.”
“Lara apa?”Pitakone Abah lan Kabayan
meh bareng.
“Gerahipun menika aneh. Piyambakipun
mboten kersa dhahar kados adat saben. Manawi dhahar sakedhik mawon sampun
mboten dipun telasaken.”
“Mbok manawa panganane kurang
enak.”Pitakone Kabayan.
“O, dudu Kang. Panganane enak-enak
,kesenengane Juragan Somad kaya adat saben.”
“Lha terus apa karepmu?” Pitakone
Abah.
“Juragan putri ndhawuhi kula sowan
Abah, nyuwun pirsa menapa obatipun tiyang mboten purun nedha.”
Abah lan Kabayan terus padha meneng.
“Abah, nyuwun tulung, menapa ingkang
kedah kula tindakaken?”Pitakone Diman karo memelas.
“Ya, ngene Diman, tenangna pikirmu.
Aku dak mbudidaya golek obat kanggo Juraganmu.”Ngendikane Abah.
“Menawi ngaten kula nyuwun pamit
rumiyin. Mugi-mugi panjenengan saged enggal pikantuk obat.”
Sabanjure Abah lan Kabayan nguntapake
tamune nganti tekan lawang ngarep.
Dina esuk candhake Abah prentah marang
Kabayan supaya menyang ngomahe Juragan Somad.
“Kabayan , prayogane kowe wae sing
menyang ngomahe Juragan Somad.”Ngendikane Abah karo ngombe kopi angete.
“Lho, kados pundi ta ,Bah. Kula
ingkang dipun dhawuhi?” Wangsulane Kabayan sing lagi ngombe kopi anget.
“Aku percaya karo kowe. Kowe mesthi
duwe cara, supaya Juragan Somad gelem mangan kanthi dhokoh.”
Kabayan krungu ngendikane Abah mau
dadi bingung.
“Wis ya aku arep menyang sawah. Dina
iki kowe ora sah mangkat menyang sawah wae.”
Kabayan mung meneng , ora wangsulan
apa-apa, jroning pikir dheweke nemokake gagasan kanggo nambani larane juragan
Somad.Muga-muga panemune bener. Age-age Kabayan nyeluk Gemi bojone.
“Mi, bojoku sing ayu dhewe...mrenea.”
“Ana apa Kang?arep kongkon mesthi,
iya, ta?”
“Lho, kok ngerti yen arep kongkon?”
“Ya mesthi wae,wong ngundange karo
ngalem.”
“Ya, pinter tenan, kowe,Mi.”
“Ya, kongkon apa?”
“Aku jupukna sega lonthong loro sak
lawuhe karo uyah sithik mbok manawa kurang asin lan rek dimik, ”
“Kanggo apa , Kang .Kanggo ngirim
Abah,ta?”
“Ora, aku arep golek welut karo
kancane Diman.”
“Sapa kuwi?”
“Dak kandhani palinga ya ora tepung,
wis dicepake wae.”
Sabanjure Gemi ora takon apa-apa
marang Kabayan, Dheweke menyang gandhok njupukae kabeh sing dijaluk Kabayan.
Sawise kabeh sarat sarana kanggo
ngobati Juragan Somad wis cumepak Kabayan Age-age budhal menyang ngomahe
Juragan Somad sing biyen nate padudon karo dheweke.Sajake Juragan Somad saiki
wis ora ngendel-endelake kasugihane.
Bareng tekan ngarep omahe juragan
Somad dheweke uluk salam lan tinananggapan Juragan Somad kanthi kebak rasa
semanak.
“E...Kabayan sajake. Ora ana prenjak
muni kok ngerti –ngerti ana tamu, Ayo mlebu ngomah!”
“Inggih, Juragan.”
“Ana apa sliramu teka ngomahku iki?”
“Ngaten Juragan, Kula mireng saking
Diman, bilih Juragan nembe sakit mboten kersa nedha.”
“Iya, bener, Embuh sababe apa?
“Kados pundi raosipun manawi mirsanitetedhan
ingkang dipun cawisaken Juragan Putri?”
“Ya, anane mung emoh wae, ora karep
mangan, kamangka sing dicawisake luwih enak katimbang adat saben.Lha, sajake
obate apa?”
“Pancen wonten obatipun. Sesakit kados
ngaten kedah enggal dipun jampeni.”
“Obate apa, mbok manawa kowe ngerti?”
“Obatipun namung setunggal. Inggih menika
welut putih.”
“Welut putih dikapakne?”
“Welut pethak dipun besem wonten
nginggil lengipun lajeng dipun tedha wonten mriku.”
“Lha ngendi panggonane?”
“Kula ngertos panggenanipun Juragan.”
“Lha kok ngango dibakar lan dipangan
ana ndhuwur lenge?
“Inggih, milanipun juragan kedah
tindak mrika kalih kula.”
“O...ngono ta?lha sing nyekel mengko
sapa?”
“Manawi ingkang nyepeng, kula saged.”
“Ya
, yen ngono ayo enggal mangkat wae.”
Wusanane Juragan Somad karo Kabayan budhal
menyang sawah golek welut putih. Kabayan ora ngajak Juragan Somad menyang sawah
sing cedhak nanging menyang sawah sing adoh saka ngomah.
“Kepiye Kabayan, wis tekan durung?”
Pitakone Juragan Somad nalika wis sawetara anggone mlaku ana sawah-sawah.
“Sekedhap malih, Juragan.”Wangsulane
Kabayan.
|
Nalika wis ngliwati sawah-sawah lan
parit –parit sarta kali cilik. Ambegane Juragan Somad saya ngangseg lan sikile
wis krasa kesel nanging Kabayan isih mlaku wae.
“Wis tekan ,kabayan?”
“Ngajeng menika Juragan. Panggenanipun
wonten sabranging lepen menika”
Sabanjure sakarone padha nyabrang kali gedhe sing kapinujon banyune
mung sithik.Ing kono akeh watu cilik cilik sing bisa kanggo pidakan kanthi
jangkah amba. Kanthi kebak pangati ati anggone liwat supaya ora kepleset.
“Tulung Kabayan, aku arep
tiba!”Kandhane Juragan Somad nalika arep kepleset ing watu sing lunyu.
Kabayan age-age nuntun Juragan Somad
“Ngatos atos Juragan, sampun ngantos dhawah.” Kabayan terus nuntun nganti
rampung olehe nyabrang kali.
“wis tekan, Kabayan?” Pitakone Juragan
Somad sing saya mengkis –mengkis kuwi.
“Kantun
sekedhap juragan, menapa sampun mboten kiyat mlampah?”
“Ya sajake,yen ngono aku dak leren
dhisik ana ngisor wit gedhe iki.”
“Inggih Juragan, mangga kendel
rumiyin!”
Kabayan lan Juragan Somad padha leren
ana sangisore wit gedhe ngrembuyung. Juragan Somad lungguh ana ayod uwit kuwi
karo slonjor.Uwit gedhe kuwi wit munggur utawa sawetara pawongan ngarani uwit
trembesi, godhonge akeh pange ya akeh mulane hawane edhum.
Sajroning ati Kabayan wis duwe pangira
manawa juragan Somad saiki wis kesel tenan.
“Ketingalipun sampun sayah sanget
,Juragan?”
“Iya, Kabayan. Iki mau mlakune wis
adoh banget. Lha terus ngendi papan panggonane welut putih kuwi?”
“Mboten tebih saking ngriki . Ewa
semanten langkung prayogi manawi Juragan kendel rumiyin. Kula mangke ingkang
madosi panggenanipun”
Sawetara angggone leren juragan Somad
ngrasakake kepenak awake. Angin sumilir lan hawa adhem sangisore uwit munggur
kuwi anjalari Juragan Somad dadi keturon.
|
Nalika Juragan Somad keturon Kabayan
age-age golek welut ing sawah sacedhake uwit kuwi , udakara sajam Kabayan wis
oleh welut sepuluh iji. Kabayan terus gawe parapen kanggo mbakar welut. Welute
kuwi dibumboni nganggo bumbu sing wis digawa saka ngomah.
Durung rampung olehe mbakar dumadakan
Juragan Somad wis tangi saka paturone ing ayoding wit trembesi kuwi.
Nalika
Juragan Somad ngelekake mripate, dheweke weruh Kabayan lagi mbakar welut.
Jroning ati tuwuh tandha pitakon apa Kabayan wis kasil golek welut putih.lha
kok ora gelem nggugah.?
“Wis oleh Kabayan?”
“Dereng kepanggih juragan.Menika kula
sampun pikantuk sedasa nanging dereng kepanggih ingkang pethak.”
Gandane welut bakar krasa enak gawe
kepengine pawongan sing
padha ngambu.
Semono uga Juragan Somad. Dhasar awake sayah ngganda sing sarwa enak mulane
wetenge njaluk supaya inggal diisi.
Ora let suwe Kabayan wis rampung olehe
mbakar welut sepuluh.
Welut sing wis
mateng kuwi digawa menyang sacedhake Juragan Somad sing lagi lungguh.Sawise
tekan sacedhake Juragan Somad Kabayan terus ngudhari buntelane lonthong saka
ngomah sarto nyepakake welut bakare nganggo
godhong gedhang.
“Apa iki Kabayan?”
“ Ngaten Juragan saderengipun pados
welut putih, mangga awake piyambak nedha rumiyin, amargi padharan kula sampun
kraos ngintir-intir. Kula kala wau sampun mbeta sekul lonthong saking griya
cacah kalih. Ingkang setunggal kangge kula ingkang setunggal kangge Juragan.
“Ya,
ayo, sajake panganane iki enak banget.”Juragan Somad age-age njupuk wungkusan
lonthong karo welut bakar.
“Inggih
mangga Juragan.”Wangsulane Kabayan karo njupuk lonthong sak welute.
Weteng
luwe lan tenaga sing wis entek amarga mlaku adoh dadekake Juragan Somad
kepengin mangan. Dheweke mangan telap-telep nganti entek lonthonge.Kamangka
lonthong kuwi mau gedhe banget, saumpama diwadhahi piring mesthi kebak.
“Wah, pinter tenan kowe,
Kabayan.Welute enak...”
“Mboten juragan, menika nembe
kapinujon, mawon.”
“Wah, tenan kuwi, delengen iki !
segaku entek .”
“Inggih Juragan.”
“Wah upama segane isih, aku kepengen
tanduk maneh.”
“Inggih juragan, matur nuwun.”
“Lho matur nuwun kepiye?”
“Ateges kula mboten badhe pados welut
putih malih kanthi ngrekaos.”
“Lho, kepiye ta kowe kuwi.?”
“Amargi Juragan sampun mantun saking
sakitipun.”
“lho, kepiye ta? Awake dhewe mrene mau,
rak arep golek welut putih kanggo nambani laraku. Lha kok kowe kandha yen ora
arep golek maneh kuwi kepiye?”
“Amargi juragan sampun mantun.”
“Mari kepiye?’
“Cobi dipun penggalih, sakitipunn
juragan menapa?”
“Ora doyan mangan.”
“Lha menika wau naminipun menapa?”
“Sing endi?”
“Nelasaken lonthong ageng kaliyan
welut, malah kapara kepengin tanduk, menika wau.lho ?”
“O...ngono.ta,ya lagi iki aku mangan
ngrasake enak.”
“Lha menika ateges juragan sampun
mantun sakitipun.”
“Iya, ya. Jebule aku wis mari, Ora
krasa ya aku.”
“Kados pundi? Sampun rumaos mantun
dereng?”
“Iya, Lha terus sido golek welut putih
ora?”
“Ngaten juragan, sejatosipun welut
pethak menika namung kangge sarana.”
“Lha kok bisa, ateges kowe ngapusi aku?”
“Inggih, nyuwun pangapunten. Pikajeng
kula ngajak Juragan mlampah tebih pados welut pethak menika wau. Supados
juragan ngedalaken tenaga ingkang kathah, manawi tenaganipun telas mesthi
kepengin dipun isi padharanipun.”
“Wah, bener kowe, Kabayan. Saiki aku
ngerti , gaweanku saben dina mung prentah marang baturku, dadine aku ora nate ngetokake tenaga
sing akeh. Mulane aku ora duwe karep mangan.”
“Mbok bilih menika sababipun,
Juragan.”
“Wah, pinter tenan kowe ,Kabayan. Bisa
nambani aku kanthi cara sing sepele.”
“Nyuwun pangapunten, manawi kula dipun
anggep lepat.”
“Ora apa-apa Kabayan, malah aku matur
nuwun banget karo kowe. Tanpa pitulunganmu mbok manawa aku dadi lara banget.”
“Samenika kados pundi Juragan sios
pados welut pethak?”
“Mulih wae. Palinga welut putih mung
kanggo ngapusi maneh.”
“Inggih, pancenipun ing ngriki mboten
wonten welut pethak.”
“lha rak tenan ,ta.”
“Inggih mangga manawi kondur kula
dherekaken.”
“Mlaku wae ,ya?”
“Inggih supados mangke juragan saget
vkathah anggenipun dhahar, sarta sakeca anggenipun sare.
Sabanjure Juragan Somad lan Kabayan
padha mulih mlaku kebah kabungahan. Sanadyan panase srengenge sumelet nanging
ora dirasakake malah kapara nambahi semangate.
7.Gara-gara Tekek
A
|
na sawenehing
pawongan duwe panemu ngenani swara tekek, kewan sing sabane mrambat ana dhuwur
seneng mangan bangsane semut lan lemut kuwi. Manawa swarane ganjil nandhakake
nasibe pawongan sing krungu kuwi ala dene yen swarane tekek ganep mratandhani
lamun nasibe becik.
|
Pirang-pirang dina kepungkur iki
Kabayan rada beda karo adat saben, biasane tangi digugah bojone nanging dheweke
saiki tangi esuk umun-umun sadurunge bojone nangekake. Malahan amben paturane
uga wis temata, sarung lan bantale uga wis temata. Saumpama saben dina kaya ngono
mendah senenge atine Gemi , amarga ora ana pawongan sing ngandhakake eleke
Kabayan.
Mung pawongan siji sing ora percaya,
apa bisa Kabayan ajeg nglakoni pakulinan becik sajroning seminggu iki.Adat
lupiya pakulinan sing becik kuwi ora betah suwe. Ora luwih saka sedina, sesuk
apa sesuke maneh pakulinan becik kuwi bakal ilang musna.
“Mi, Bojomu kok dina iki beda karo
adat saben?”pitakone Simbok marang Gemi.
“Mesthi wae, Mbok. Uwong kuwi ora mung
ajeb mbeler wae, nanging ana mangsa kalane owah dadi becik.”
“Ya, muga-muga pakulinan mbeler kuwi
enggal mari.Luwih becik uwong kuwi sregep nyambut gawe.
“Iya, Mbok. Gemi arep gawe dodol.
Kapinujon ana turahan ketan, lan Kang Kabayan arep menyang pasar tuku gula
jawa.”
“Wah, apik kuwi, Lha mengko apa kowe
arep gawe saakeh-akehe?”
“Iya mesthi ,Mbok. Aku arep gawe dodol
akeh kareben mengko kanggo gawean
menyang pasar Kang Kabayan.”
“Aku mengko diewangi ,ya Mbok.”
“Iya, Aja sumelang , mesthi dak
ewangi.”
Katon seneng Simbok krungu
pangrancange anake kuwi, semono uga Abah. Dheweke melu seneng lan bakal
ngeawngi anake kuwi. Saora –orane Kabayan duwe gawean anyar ana pasar.
Kadhang kala Abah melu prihatin yen
weruh Kabayan lagi kumat, ora gelem nyambut agwe lan seneng turu wae.Apa maneh
dheweke wis omah-omah karo anak wedoke sing mung siji kuwi. Kanggo nyukupi
butuhe dhewe wae kurang apa maneh kanggo bojone. Satemah ndadekake Abah kudu tansh mbiyantu kebutuhane
anak lan mantune.
Ewa semono ing dina iki Abah ora ana
kalodhangan kanggo ngandhani anak mantune kuwi, amarga Abah arep menyang sawah
ngileni sawahe sing mentas ditanduri winih pari.
Kabayan dhewe wis mangkat menyang
pasar, wancine srengenge jumedhul dheweke wis tekan tengah dalan. Lakune seneng
tumuju menyang pasar Kecamatan.
Dina kuwi ngepasi dina pasaran
Kecamatan, mulane pasare rame ora kaya dina biasane. Adat saben sing dodol gula
jawa mung saenggon nanging dina kuwi akeh banget sing padha dodol gula jawa.
Malah saking ramene wong sing padha tuku padha seksekan nganti sing dodol ora
ketok irunge.
Ing kahanan kaya ngono kuwi kabayan
ngangsek maju amarga dheweke ora kepingin kawanan. Nanging jebul ora mung Kabayan
wae sing kepengen cepet. Pawongan sisihe uga ngoyak wektu. Dheweke melu -melu
ngesuk maju ing antarane krubutan wong akeh sangarepe kuwi.
Wusanane sikile Kabayan kepidak seru.
Satemene Kabayan arep nesu, nanging weruh pawongan sing gedhe dhuwur brengosen
lan jenggote kandel, atine kabayan kaya krupuk mlempem ora duwe daya, amarga
ana rasa wedi marang pawongan kuwi.
|
Nanging suwe suwe
Kabayan ora kuat ngampet lara. Dhewekke terus ngaruh aruhi kanthi alus.
“Kang . . . kang . . aku oleh takon?”
“O,
mesti wae Dhi, ana apa?”wangsulane pawongan mau rada gumun.
“Apa
kakang anggota tentara?”
“O,
ora..”
“Apa
duwe kanca tentara?”
“Ya
ora...”
“Apa
dadi keamanan desa?”
“Ora
ki. . .”
Krungu
wangsulan kaya ngono kuwi Kabayan ngomong seru , “Yen ngono, aja ngidak sikilku
!”
Wong
akeh sing ana kono padha kaget krungu bengoke Kabayan. luwih luwih wong sing
ngidak sikile. Age-age pawongan kuwi ngangkat sikile sing ngidak Kabayan.
“Adhuh,
ngapunten Dhi. Aku ora sengaja,” ngomonge pawongan kuwi plekak-plekuk. “Lara
ya?”
“Lumayan,”
“Yen
ngono, dhisika!” Pakone pawongan sing kaya tentara kuwi marang kabayan. lan
wong wong sing padha ngerti menehi dalan marang Kabayan supaya bisa tuku gula
jawa luwih dhisik.
Sawise
mangkono Kabayan mulih nggawa gula jawa pirang pirang kilo. Wektu kuwi
sengengene wis dhuwur, manawa ora diidak sikile karo pawongan sing kaya
tentara, mesthi wae Kabayan durung oleh gula jawa, ,malah isih kudu seksekan
karo pawongan liyane. Pangurbanane rasa lara kuwi pranyata ana mupangate tumrap
kabayan.
Sawise
rampung urusane, Kabayan age- age mulih lan kanggo ngirit ongkos, Kabayan mlaku
ngliwati dalan trabasan sing kulina diliwati. Kanggo ngilangi rasa kesel lan
panas, Kabayan mlaku karo tetembangan alon alon. Lakune isih adoh nanging
sikile wis krasa kesel.
Bareng
Lakune wis tekan sangisore wit gedhe ngrembuyung, dheweke kepengin leren.
Kabayan terus leren ana ngisor wit kuwi. Gula jawane uga diselehake. Kabayan
lungguh sendhen ana wit, sikile sing krasa kesel dipijeti .
Angin
sumilir nempuh Kabayan katambah edhume swasana, andadekake rasa kesel kuwi
ilang saka awake Kabayan. Sing keri mung kari rasa seger lan edhume swasana
sangisore uwit gedhe kuwi.
Kabayan
ada -ada naliti uwit gedhe kuwi. Gedhene uwit kuwi rong prangkulane . Ora adoh
saka kono, ana sawijining tekek sing wernane blentong blentong lorek ireng
putih.
Dumadakan
tekek kuwi muni seru. “Tekek. . tekek.
. tekek. . .”
Swarane
nganggo let pirang pirang dhetik
sakdurunge nyuwara maneh. Wektu kuwi kabayan kelingan omongane kancane,
manawa swara tekek kuwi munine ora ajek. Mbok menawa ana benere.
Kepiye
ya manawa tekek iki dak gunakake kanggo ngerteni kabegjanku untung lan rugiku
amarga bojoku arep gawe dodol. Kabayan terus nyoba ngetung swara tekek kanggo
ngerteni usahane sing arep diwiwiti. Yen tekeke nyuwara pisan ateges dadi,
sakbanjure atege ora dadi lan sateruse.
Kabayan
terus wiwit ngetung swara tekek kuwi kanthi tembung dadi, ora, dadi, ora. Saiki
dheweke bakal ngramal nasibe karo swarane tekek sing unine seru.
“Tekek.”
“Dadi,”
tembunge Kabayan wiwit ngramal.
“Tekek”
“Ora”
“Tekek”
“Dadi”
Mengkono
kuwi Kabayan sing ngramal nasibe nganggo swara tekek. Embuh pancen wis nasibe
apa ngalamat sing ala saka tekek. Nanging dumadakkan swarane tekek mandheg
ngepasi nalika Kabayan ngomong ora. Karepe ora dadi utawa usahane gawe dodol
ora kasil.
|
“Wah.
. . ramalane kok tiba ora, apa ateges ora kasil?” bengoke Kabayan. rumangsa digawe dolanan karo tekek belang . Ora mung
kuwi wae, dumadakan tekeke nelek , teleke tiba pas bathuke Kabayan sing lagi
dangak ngulati tekek. Kabayan saya nesu nalika bathuke diteleki. “He, tekek kurang ajar. Kowe kuwi kewan sing
ora ngerti tata krama.” Kabayan mencolot golek kayu kanggo nggebuk, weruh pring
dawa sing glumethak ora adoh saka kono terus dijupuk. Karepe kanggo nyogok tekek sing ngolok-olok dheweke
.
Sabanjure
pring dawa kuwi digebukake tekek sing ana ing uwit dhuwur. Mesthi wae tekeke
ora gelem digebuk. Tekeke mlayu terus dhelik. Kabayan ora sabar terus menek
uwit kuwi arep ngoyak tekek, nanging kanggone tekek meneke kabayan diarani
rendhet amarga dheweke uwis mlayu adoh.
Kabayan
kelangan lacak. Sawise sawetara wektu Kabayan mudhun. Bareng tekan ngisor uwit, awake krasa kesel lan luwe. Coba yen mau
terus mulih menyang omah, ora nganggo leren mesthi dheweke seneng amarga wis dicepaki pangan bojone.
Saiki
oleh-olehane mung rasa kesel lan luwe. Kabayan rumangsa kabeh mau gara gara
ngurusi tekek sialan kuwi. Sing disalahake malah tekek sing wis tentrem ana
pandhelikane. Saiki rasane kabayan tambah nesu amarga tekeke muni maneh.
“Tekek.
. tekek. . . tekek. .”
Kabayan
mangkel amarga swarane lan teleke tekek. Kabayan lungguh leren ana ngisor uwit
kuwi nganti rasa kesele ilang.
Sawetara
anggone leren Kabayan ngrasakake edhum lan silir anjalari turu angler. Amarga
saka kesele Kabayan ngorok. Saiki genti tekeke sing ngetung ngoroke Kabayan.
Nalika
samana Kabayan rumangsa wis tekan ngomah. Dheweke menehake Gula jawa limang
kilo marang Gemi. Polatane bojone katon seneng amarga Kabayan wis mulih nggawa
gula jawa. Sawise leren sawetara Kabayan
diajak mangan ana kamar makan. Mangane
ngrasakake enak amarga lawuhe kasenengane Kabayan.
Lagi
iki Kabayan ngrasakake mangan ana ngomah kanthi kepenak, ora kaya adat saben
sing tansah diuring-uring bojone, amarga nyambut gawene sing salah.
Nalika
Kabayan mangan pepes pitik dumadakan Kabayan tangi saka paturone.Kabayan ngerti
manawa kabeh mau mung ngimpi. Saeba senenge manawa kahanan kaya ngono kuwi dadi
kasunyatan, mendah senenge atine.
Sawise
tangi Kabayan noleh ngiwa nengen nggoleki gawane gula jawa. Bareng ora ana
sacedhake dheweke terus ngadeg saka lungguhe saperlu nggoleki mbok manawa gula
jawane lali anggone nyelehake. Wira –wiri mrana- mrene jebul ora ketemu.kabayan
dadi tambah judheg.
Pancen
lagi apes Kabayan wektu kuwi bubar sikile diidak nguwong, diolok-olok tekek
terus diteleki bathuke malah saiki gulane
jawa ilang. Mendah kaya ngapa nesune bojone mengko.
Kanthi
ati judheg Kabayan mlaku arep mulih , jroning pikire manawa bali menyang pasar
arep tuku gula jawa mesthi pasare wis tutup, mula luwih becik bali nampani
muringe bojone.
Kabayan
rumangsa gela , wis mbuwang wektu sing ora piguna. Dheweke ora duwe niat bakal
mbaleni gaweane ngramal lan nguyak-uyak tekek maneh.Upama disengeni bojone
dheweke arep meneng wae, mengko yen wis kesel sing muring-muring mesthi meneng
dhewe.
Durung
suwe anggone mlaku Kabayan ditututi sawijining pawongan nggawa gula jawa limang
kilo.Pawongan kuwi dedege padha karo Kabayan mung dheweke rada resik
pakulitane. Jenenge Samijan.
“Mengko
dhisik Kang. Apa sampeyan sing turu ana ngisor uwit pingir dalan kana mau?”
“Iya
bener, jenengku Kabayan.”
“Yen
aku Samijan..”
“Ana
apa nututi aku?”
“Apa
Kang Kabayan kelangan barang kaya ngene iki?”
“Iya.
Wah matur nuwun banget barangku ora sida ilang.” Wangsulane kabayan karo
lunjak-lunjak saking senenge.
“Yen
ngono tampanana.”
“Matur
nuwun, lha terus ana ngendi barangku iki mau?”
“Ngene,
Kang. Mau ana wedhus mara nyedhaki Kang Kabayan olehe turu, terus wedhus kuwi
nggondhol wungkusan iki, kapinujon aku liwat.”
“Terus?”
“Barange
dak rebut lan dak selehake ana sacedhake olehmu turu. Aku terus mbacutne laku.”
“Lho,
ana sisih ngendi ? aku mau wis nggoleki ngendi-endi.”
“Dhuwur
uwit ya wis digoleki?”
“Durung.”
“Barange
mau dak selehake ana plogrokan uwit.”
“Mulane
dak goleki ora ketemu.”
“Lha
nalika aku mulih , ngulati barange isih, malah Kang Kabayan sing ora ana.”
“Amarga
aku nggoleki suwe ora ketemu mula age-age mulih.”
“Barang
iki dak jupuk terus dak tututake tekan
kene iki.”
“Wah
, matur nuwun banget aku, Adhi Samijan.”
“Padha-padha,
Kang.”
“Wah,upama
ora sampeyan sing nemu mbok manawa gulaku jawa wis ilang.”
“Ya
wis Kang ngono wae ya, aku dak mulih.”
“Iya,
Samijan aku matur nuwun banget.”
Sabanjure
Samijan mulih lan Kabayan uga terus bali menyang omahe . Lakune Kabayan saya
dicepetake selak kepengen menehake gula jawane lan uga ora kepengin kadadeyan
sing ora prayoga kadadeyan maneh.
Prakara
iki mbok manwa gara-gara swara tekek sing dadekake dheweke percaya ramalane
sing ora mupangati kanggo dheweke. Saya cedhak omah atine Kabayan saya bingung,
apa prekara tekek kuwi dicritakake marang Gemi lan mara tuwane apa ora.Wektu
kuwi pikirane Kabayan dadi buntu ora bisa golek akal liya.
8.Nyukur Wedhus
P
|
Akaryane Kabayan
saliyane ngewangi Abah menyang sawah, yakuwi golek kayu bakar menyang alas
sacedhake kampunge. Pancen ora saben pawongan oleh golek kayu bakar menyang
alas kuwi. Mung saperangan masyarakat ing kiwa tengene alas kuwi. Lan manehe
ora oleh golek kayu sembarangan. Sing oleh dijupuki mung pang sing garing utawa
uwit sing ambruk.
Manawa
dingerteni ana pawongan sing negor uwit sing isih urip bakal dipatrapi paukuman,
mulane Kabayan tansah nggatekake aturan sing wis ditetepake pamarentah kuwi.
Adat saben Kabayan golek kayu ana
ngalas suwene sedina muput. Wiwit pletheke sengenge nganti angslupe sengenge.
Wektu semono kuwi Kabayn bisa nggawa mulih kayu sing akehe sagrobak. Kayu-kayu
kuwi ora didol menyang tangga nanging digawa menyang pasar supaya payune luwih
dhuwur.
Asile lumayan, bisa kanggo mangan
suwene telung dina. Ya amarga kuwi Kabayan manawa ora ana gawean ngomah mesthi
menyng ngalas golek kayu bakar.Kajaba nyingkiri omelane wong ngomah, uga kanggo
goleh tambahing pangupajiwa, asile lumayan.Ya katimbang ana ngomah, gawe sebele
sing padha weruh.
Pancen kaya ngono kuwi nasibe wong
sing ora duwe pakaryan ajeg. Mrana-mrene mung dadi pocapane wong liya. Saumpama
dheweke duwe gawean ajeg mesthine ora bakal oleh panguya-uya lan
omelan.Ngadhepi panguya-uya lan omelan kuwi dheweke kudu mbudhegake kuping lan
sabar.
Bareng tekan ngomah kayu-kayu kuwi
dipepe nganti garing lagi digawa menyang pasar diijolake dhuwit.Sawise
kayu-kayu kuwi garing tenan ing esuk dina candhake Kabayan menynag pasar adol
kayu. Kayune kuwi digawa menyang pasar nganggo grobag jaran.
“Kang,, mengko yen wis payu kayune aku
ditukokake kopi karo gula ya.”Pesene Gemi nalika Kabayan budhal menyang pasar.
“Ya, dongakna supaya mengko cepet
payu!”
|
Kanthi
ati seneng Kabayan mangkat menyang pasar nalika srengengene lagi jumedhul,
udakara jam nem esuk. Unine tlapaking jaran lan mubenge rodha gerobag mecah
swasana dalan sing isih sepi. Angin esuk sing rumasuk ing dhadha dadekake awake
kadhemen.”Hmm. adhuh..adheme...”panggresahe Kabayan karo mecut jarane. Gerobage mlaku ninggalake
omah tumuju menyang pasar.
Ora karasa lakune gerobag wis tekan
pasar Kecamatan, lakune gerobag rada disuda amarga dalane rame. Nyedhaki pasar
dalane saya macet Kabayan terus mandhek lan leren ana pinggir dalan. Ing kono
ana toko tukang cukur sing apik banget lan kaprah disebut salon potong rambut.
Sing duwe salon potong rambut kuwi jenenge Atang. Atang sawijining tukang cukur
sing kondhang ing kecamatan kono lan ongkose uga larang banget. Mulane sing
potong ana kono mung wong-wong sing sugih dhuwit.
Atang pancen tukang cukur sing
kondhang, cukurane akeh sing padha ngalem amaraga cepet, taliti lan ora ana
kulit sirah sing tatu kena peso utawa gunting .Mula langganane akeh tur
akeh-akehe wong sugih. Saben dina mesthi ana sing cukur mrono. Panggonane ora
nate suwung, sing teka paling sithik wong lima. Lan padha sabar manawa lagi
antri.
Kanthi langganan sing akeh turna wong
sugih-sugih, ora mokal manawa dheweke saiki dadi wong sugih amaraga pakaryane
kuwi. Apa wae dipetung kanthi taliti. Sanadyan wis sugih nanging isih cethil
mbethithil.Apa untung rugine. Yen untung dilakoni nanging yen sakirane rugi
bakal ditolak.
Iki kabukten piranti gandhok sing ana
ngomahe. Bojone ora etuk nggunakake ubarampe saka aluminium, kajaba saka
grabah. Alesane supaya ngirit, amarga regane murah. Mulane bojone yen masak ora
nggunakake kompor minyak utawa kompor gas nanging nganggo kayu bakar.
Nalika lagi wae mentas nyukur wong
siji durung ana sing teka Atang metu menyang dalan saperlu ngulati wong-wong
sing padha liwat. Wah saben dina macet dalan ngarepan iki. Bareng weruh grobage
Kabayan sing kebak kayu bakar age-age Kabayan diceluk supaya mara.
“He, Kang tukang suluh, mrenea!”
Swarane Atang sing seru.
Kabayan krungu ana sing njeluk dheweke
terus mudhun saka grobage.
“Wonten menapa,Pak.”
“Kayu bakar iki arep didol?”
“Inggih, Pak.Ngersakaken sedaya?”
“ Ya, mesthi wae.Pira regane?”
“Sedaya tigangdasa gangsal ewu, Pak.”
“Wah, larang banget Kang.”
“Lajeng bapak ngawis pinten?”
“Ya, Yen oleh kabeh selawe ewu.”
“Adhuh ketebihen Pak. kados pundi manawi
tigang dasa ewu,mawon?”
“Wah,, ora. Yen oleh ya semono, yen
ora oleh ya uwis.”
Wektu kuwi Kabayan dadi bingung,
amarga yen mung payu selawe ewu ora cucuk karo tenagane, nanging yen ora oleh kapan
bakal payune.
“Piye
Kang?”
“Sekedhap,Pak.
Kula pikire rumiyin.”Kabayan ora age-age mangsuli.Nanging lamun dipikir-pikir
maneh, luwih becik cepet oleh dhuwit supaya inggal cepet mulih.
|
“Pak, mbok ditambahi , kalih ewu gangsalatus.
Dadose pitulikur ewu gangsal atus rupiah.”
“Wah , emoh . Ya semono mau yen oleh.”
Kabayan saiki dadi ragu oleh apa ora ,
sajake wis ora wani tambah maneh pawongan kuwi.
“Piye, Kang?,cepet!. Aku isih akeh gawean.”
“Inggih, Pak, mangga.”
“Lha, ngono. Saiki kayu-kayu kuwi
gawanen menyang mburi !”
“Inggih,”Wangsulane Kabayan karo
seneng bakal nampani dhuwit selawe ewu rupiah, bisa kanggo tuku gula karo kopi.Turahane
diwenehake bojone, mendah senenge.
Kayu sagrobag kuwi diudhunake saka
grobag terus diusungi menyang buri omah. Sawise rampung Kabayan nyedhaki Tukang cukur saperlu njaluk
bayaran.
“Kayunipun sampun kula usungi dhateng
wingking, Pak,Kantun bayaranipun.”
“E. Kang , mengko sore aku lagi bisa
menehi dhuwit.”
“Lho, Kenging menapa ngaten?”Pitakone
Kabayan rada gela.
“Iki mau aku lagi nyukur wong siji, durung cukup kanggo bayar kayu.”
“Wah , pripun niki, manawi wangsul
sonten?”
“Lha, terus piye yen nyatane pancen
durung ana dhuwit?”
“Nanging kok tumbas kayu obong?”
“Amarga bojoku butuh kayu.”
“Inggih mangke sonten kula mriki
malih.
Wusanane Kabayan lunga saka papan kuwi
terus nunggu ana ngarep emperan toko cedhak Kantor Kecamatan . Bareng awan wetenge
krasa luwe nanging ora jajan amarga pancen ora sangu dhuwit. Kabayan mung
ngelus dhadha nggetuni nasibe.
Wektune wis jam telu nanging Kabayan
durung oleh bayaran, sadina muput wetenge durung mangan apa-apa sanadyan lara
mung diampet. Dheweke lungguh ana teras toko dumadakan ana pawongan sing
marani.
“Lho, wiwit mau ana kene nunggu
sapa,Kang?”Pitakone pawongan kuwi.
”Anu, mboten nengga sinten-sinten.”
“Apa sampeyan lara?
“Mboten , namung radi mumet.”
“Lha, dak wenehi obat apa piye?”
“Matur nuwun,Pak.”
“Lha ana apa sajatine, sampeyan kuwi?”
“Inggih Pak ,kula badhe matur walaka,
“
Sabanjure Kabayan nyritakake lelakone
manawa dheweke mau nggawa sagrobag kayu obong, terus dituku tukang cukur kanthi
rega sing murah. Bareng kayune wis diudhunake kabeh dijaluk bayare malah
disemayani mengko sore.
“Apa tukang cukur kuwi jenenge Atang?”
“Kirangan Pak, kula mboten ngertos
naminipun.”
“Lha mapane ngendi, tukang sukur mau?”
“Mrika pak,pinggir margi badhe mlebet
peken.”
“O,Genah kuwi si Atang. Pancen dheweke
kerep ngono kuwi. Ora duwe rasa mesakake wong liya, apa maneh wong ora duwe.”
“O, ngaten ta, Pak?”
“Dheweke pancen seneng ngakali wong
bodho, apa maneh ora ngerti ukum.”
“Inggih, sinten ngertos Pak. Tasih wonten tiyang ingkang kados
mekaten.”
“Kamangka dheweke kuwi saiki wis
sugih, ora ngelingi biyene ya wong ora duwe.”
“O, inggih ta?”
“Ya wis kang trimak-trimakna, mengko
dak wenehane pengajaran.
“Inggih, Pak.Matur nuwun.”
“Sampeyan jenenge sapa,Kang?”
“Kula, Kabayan. Pak.”
Pawongan kuwi terus nyeluk kancane
sing lagi metu saka kantor kecamatan jenenge Parman. Sajake parman kuwi tukang kebun Kantor
Kecamatan, amarga sandhangane mung sarwa prasaja.
“Man, Parman...mreneha dhisik.”
“Inggih, Pak,”Wangsulane Parman karo
mlayu.
“Iki awake dhewe kudu nulungi pawongan
iki.Jenenge Kabayan”
“Kersanipun Bapak?”
Sawise mangkono Pawongan kuwi dhawuh
Parman, sawise Parman nampa kanthi cetha terus lunga. Pawongan kuwi ngajak
kabayan jagongan sawetara wektu ngenani omahe kulawargane lan pakaryane Kabayan.
Ora let suwe saka kadohan, Parman katon
nuntun wedhus tumuju menyang panggonane Atang tukang cukur. Sawise tekan,
wedhuse Parman dicancang ana uwit sacedhake kono, dene Parman mlebu njaluk
cukur Atang.
“Arep ngapa kowe, Parman?”
“Lho yen mrene, mesthine arep cukur.
Yen arep mangan sate mesthi ora mrene.”
“Wa, mesthi salah alamat kowe, Man.”
“Salah, piye?, aku pengin cukur.”
“Kene dudu panggonane wong cukur kaya
kowe.Sadrajate tukang kebun wae arep njaluk cukur”
“Aku wis ngerti, yen kene iki mung ngladeni
wong sugih.”
“Genea mrene.”
“Lha aku kuwat mbayar kok,”
“Dhuwitmu pira?”Wangsulane Atang sajak
nyepelekake.
“Njalukmu pira dak turuti.”
“Selawe ewu.”Wangsulane Atang sengaja
dilarangake supaya ora gelem.
“Mung selawe? Ora kurang?” Pitakone Parman
karo ngetokake dhuwit seket ewu.”
“Ya, cukup.”Wangsulane Atang karo
seneng sajak gumun.
“Saiki dhuwite seket ewu tampanana
dhisik.”Parman ngelungake dhuwite eketan ewon marang Atang.”
“Lho, seket ewu iki kabeh?”
“Iya kabeh, nanging kanggo aku karo
kancaku .Gelem ta nyukur aku karo kancaku opahe seket ewu ?” Pitakone Parman
karo lungguh ana kursi cukur.
“Lha kancamu endi?” Wangsulane Atang
karo nata pirantine.
“Kancaku isih ana njaba.”
“Ya, Gelem.”Wangsunae Atang kanthi
seneng
Atang age-age njupuk piranti kanggo
nyukur . Sajrone cukur Parman tansah ngalem cukurane Atang. Atang dadi seneng atine kebak gumun , dene ana wong
mlarat njaluk cukur menehi opah kapara turah. Bareng wis rampung olehe nyukur,
Atang nakokake kancane Parman.
“Saiki kancamu endi kon mrene dak
cukure genti!”
“Ya, dak ajake mrene.”
Sawise mangkono Parman terus metu
njupuk wedhuse sing ana njaba, digawa mlebu. Saeba kagete Atang bareng weruh
Parman nggawa wedhus mlebu kuwi mau.
“Lho,Man Parman. kowi piye ta? Dikongkon njeluk kancane kok
malah nggawa wedhus mlebu mrene?”
“Lha iya iki, kancaku sing arep
cukur.”
“Apa...? Aku kon nyukur wedhus?”
“Iya...”
“Kowe
kuwi rak manungsa ta? Manungsa kancane ya manungsa dudu kewan.”Wangsulane Atang
seru karo nesu.
“He,
Pak Atang. Wedhus iki luwih apik katimbang kowe.”
“Apa,
kurang ajar ya kowe.”
“Kowe
mau wis nampa dhuwitku seket ewu ta?
“Iya,
nanging aku wegah nyukur wedhus.”
“Wegah
piye?, dhuwite wis ditampa kok ora gelem nandangi gaweane.Ayo dang dicukur”
“Wegah.”Wangsulane
Atang karo nggetak.
“Yen
wegah njaluk tak perkarakne apa piye?
“Perkarakna!”
Suwe
sing padha padudon keprungu karo sing padha liwat sacedhake tokone Pak Atang.
Satemah wong pirang –pirang padha ngrubyung tokone Pak Atang. Pawongan sing wiwit mau ana njaba karo Kabayan
age-age mlebu.
“He,
ana apa iki rame-rame?”
Weruh
ana pawongan mlebu Atang tambah nesu.
“He
Pak, ora sah melu-melu iki dudu urusanmu!”
“Kosik,
kok ana wedhus ana kene iki piye, apa sing arep diperkarakke?”
Parman
terus nyritakake masalahe karo Pawongan kuwi kanthi cetha, nganti rampung.
Bareng wis rampung Pawongan kuwi mbacutake ngendikane.
“Hm...Yen
ngono bener kabar sing dak rungu, Pak Atang kuwi sawijining tukang cukur sing
duwe watak ala.
“He...apa
urusanmu nyampuri perkaraku. Lunga kana ! aja melu-melu.”Wangsulane Atang karo
nesu banget.
“Ora
bisa...Pak Atang, amarga iki ya urusanku.”
“Sapa
kowe?”
“Aku
Camat anyar ing wewengkon kecamatan kene.”
“Apa,
Camat?”Pitakone Atng semu maido.
“Yen
ora ngandel takona Parman.”
“Meleka
mripatmu Pak Atang, yaiki Pak Camat anyar.Panjenengane sengaja nganggo
sandhangan prasaja iki supaya ora padha ngerti.”
Bareng
krungu kandhane Parman ,Atang dadi kaget lan wedi. Atine trataban tuwuh tandha
pitakon apa mengko bakal di perkarakake tumindake mau.
“Pak
Atang. Amarga kowe wis nampa bayarane mulane kowe kudu gelem nandangi gaweane.
Lan manehe anggonmu nyukur kudu ana tengah alun-alun.!” Ngendikane Pak Camat
kebak pangaribawa.
“Mangke
rumiyin Pak, kula badhe nyuwun bayaran kajeng dhateng Pak Atang.”Ature Kabayan
marang Pak Camat.
“O,
Ya. Pak Atang, saiki Kabayan bayaren dhisik, telung puluh lima ewu. Selawe ewu
bayare kayu karo sepuluh ewu ongkose nunggu.!”
“Inggih
Pak, Nanging kala wau mboten wonten ongkos tunggu.”
“Ora
sah rewel, apa njaluk dak perkarakake amarga wis nganggo dolanan wong mlarat?”
“Inggih,
Pak ,Inggih.”Wangsulane Pak Atang karo njupuk
dhuwit saka kanthongan lan age-age ngelungake dhuwit menyang Kabayan.
“Matur
nuwun Pak Camat, matur nuwun.” Ature Kabayan.
“Ya,
Kang Kabayan padha-padha.”
Sabanjure
Atang tata-tata piranti kanggo nyukur wedhus ana alun-alun. Pawongan sing padha
ana kono padha melu dherek Pak Camat nonton Atang anggone bakal nyukur wedhus.
Bareng ana tengah alun-alun dadi tambah akeh sing padha nonton. Wong akeh sing
padha nonton wedhus cukur kuwi kaya nonton latar tancep wae. Ana sing ngadek
ana sing lungguh , tuwa anom padha melu nonton.
|
“Atang,
yen wis rampung nyukur wedhus kuwi genti wedhusku ya.” Celathune sawijining
wong sing padha nonton.
“Ya,
mengko kucingku karo kirikku sisan.” Omongane liyane.
“Jaranku
sisan”Panyaute sing sisihe.
Dina
kuwi mbok manawa dina apese Pak Atang, sanalika rasa angkuhe dali ilang, Mung
kari rasa getun keduwung lan isin amarga ditonton wong akeh banget tanpa
wilangan cacahe.
Sawetara
kuwi Kabayan sing wiwit mau pancen ora melu menyang alun-alun wis rampung olehe
ngisi wetenge. Kabayan mangan ana warung kanggo ngilangi rasa ngelu, ngelih lan
ngelake.
Sabanjure
Kabayan golek gula lan kopi welingane bojone. Bareng
wis oleh age-age mulih kebak rasa seneng , numpak grobag jaran karo
tetembangan.
9. NgilmuTuwa
C
|
Andhik ayu katon
ing jagad wetan mratandani lamun bagaskara wus wancine jumedhul akarya
padhanging rahina. Manuk-manuk padha mencok ana panging uwit-uwit lan ngoceh
kanthi suka nagggapi tekane dina sing anyar. Beda karo Kabayan sing lagi mapan
ana sanjerone lumbung pari suwung buri omahe , gawe horege desa Sukamaju.
Nalika samana Kabayan gawe mumete
kulawarga lan gawe repote tangga teparo sakiwa tengene sing isih duwe kawigaten
marang dheweke. Geneya ora, Kabayan mapan ana lumbung pari sing wis sawetara
ora digunakake amarga pancen durung panen. Ora ngomong ora mangan lan ora
ngombe . sing ditindakake mung sembahyang .
“Mi, Bojomu ana lumbung pari kuwi
ngapa, ta?”pitakone Simbok.
“Aku ora ngerti, Mbok. Amarga wis
telung dina iki Kang Kabayan ora ngomong apa-apa,” wangsulane Gemi.
“Wis telung dina iki Kabayan ora
ngewangi Abah, menyang sawah, apa sing dikarepke?”
“Embuh, Mbok.yen ditakoni mung sambat
lara kabeh awake. “
“Kepiye yen digawa menyang Puskesmas?”
“Dheweke ora gelem. Kandhane sawise
telung dina mesthi mari dhewe.”
“Nanging, kena apa dheweke isih ana
lumbung ?”
“Wingi dak ulati , pancen bener kulite
saawake kabeh arep ngglodhoki. Kaya arep thethel.
“Lara apa kuwi,Mi ? Kok lagi iki aku
krungu wong lara kaya ngono.”
“Ya , pancen ngono, kulite kaya sisik
sing arep ucul sabanjure mengko kaya bubar dionceki ngono kae.”
“Apa? Kaya ula nglungsungi.”
“Ora ngerti,Mbok.”
“Apa , dheweke isih mangan?”
“Ya, isih nanging mung sithik
banget.””Lha ngombne kepiye?”
“Dheweke mung ngombe banyu pitih wae.”
“Aja..aja...”
“Aja-aja ngapa mbok? Aja gawe wedi ta
”
“Aja-aja Kabayan...”
“Ngapa , Mbok. Kok mendeni ta?”
“Aja-aja Kabayan lagi nglakoni golek
pesugihan.”
“Ah , ora mungkin mbok.”
“E, kowe ora ngerti, kok.”
“Buktine Kang Kabayan ora lunga
menyang ngendi-endi.”
“Ya , mbok manaw ailmune durung mlebu
tenan.”
“Ora mungkin, Mbok. Aku ora
percaya.Ayo dibuktekne”
“”Ayo , kareben padha ngertine.”
Simbok lan Gemi terus padha menyang
pangonane Kabayan. Lumbung kuwi isih mineb lan embuh apa sing lagi ditindakane
sing ngenggoni.Wektu kuwi Abah weruh Gemi lan Simbok terus nyedhaki.
“He.padha ngapa kuwi?”
”O. Abah, aku arep niliki Kabayan.”
“Apa ana kemajuane?”
“Muga –muga wae ,Bah,. Masalahe wis
telung dina iki dheweke sambat lara.”
“O, yen ngono ayo ditiliki
bareng-bareng.”Ngendikane Abah karo
thothok lawang lumbung kuwi. “Anak mantu, iki Abah sing niliki, bukaken
lawange!”
Sawise dithothoki makaping-kaping
lawang kuwi terus menga
amba.
“Mangga,
mlebet.”Kabayan katon lungkrah.”Ngapunten,awakku isih lara aku dak turon.”
Kabayan
terus turon maneh. Wong telu padha mlebu terus niliki kahanane Kabayan. Pancen
kulite saawake padha ngglodhoki.
“Wadhuh,Kena
apa kulitmu ,Kabayan?”Pitakone Abah Kaget.
“Kirangan
,Bah, raose sakawak sakit sedaya . balunge kados ajeng copot.”
“Aneh,kowe
kuwi kaya ula wae saben-saben nglungsungi ganti kulit.”Ngendikane Abah. Simbok
mung meneng nyawang Kabayan.
“Kowe
bener-bener ganti kulit Kabayan.”Ujare Simbok.
“Wadhuh,
Kang , Genea kowe kaya ngene?”Kandhane Gemi karo sedhih.”Geneya kulite Kakang
megar kaya kulit ula?”
“Apa
omongane uwong mengko, yen ana uwong nglungsungi kaya ula?”Pitakone Abah.
|
“Abah,Simbok
lan Gemi.Tunggunen nganti rong dina. Muga-muga laraku iki mari. Lan enggal
padha metuwa supaya aku bisa turu!”
“Hm...Ya.
Ayo Simbok lan Gemi awake dhewe padha metu, Kabayan kareben bisa leren.”
Wong
telu kuwi padha metu ,Kabayan terus nutup lawange.
Nalika
saperangan kancane Kabayan arep padha tilik Abah ngelekake.
“Aja
ditiliki , Kabayan kareben leren dhisik supaya cepet mari.”
“Kena
apa Kabayan ora olek ditiliki?”Pitakone salah sijine kancane kabayan.
“Amarga
dhewekke arep ganti kulit. Ngerti ta , yen ula arep nglungsungi kkae golek panggonan
sing sepi lan aman. Lagi bisa nglungsungi kanthi tentrem.”
Kanthi
rasa kuciwa kanca-kancane Kabayan ppadha mulih menyang omahe
dhewe-dhewe.Kamangka dheweke bakal nulungi Kabayan, yen perlu, Kabayan digawa
menyang rumah sakit supaya bisa dipriksa dokter.
Dheweke
padha sabar nunggu rong dina maneh. Lan mesthi wae kanggone sing ora seneng
karo Kabayan, kahanan iku nuwuhake swara-swara sumbang ngenani ngipri, nyegik
utawa golek pesugihan. Kamangka kabeh mau durung mesthi kabukten.
Mung
Gemi sing tansah niliki, mligini manawa ngepasi mangan. Dheweke nyoba menehi
ngombe lan mangan sing disenengi. Ewasemono Kabayan mung mangan sethithik lan
ngombene banyu putih wae, saliyani kuwi ora mangan apa-apa.
Rong
dina candhake nalika Gemi ngeteri mangan lan ngombe kaya adat saben, keprungu
Kabayan ngomong.”Gemi aku wis rampung ganti kulit, saiki aku wis kaya adat
saben.” Katon praupane resik sumunar.
“Matur
nuwun,Kang.Wangsulane gemi kanthi seneng.
“Rasane
lara wis ilang, aku arep adus dhisik,Mi.”
“Ora
usah, cepakna wae sandhanganku sing resik.”
“Iya,
Kang.”
Wusanane
kabayan arek resik-resik awk sawise limang dina ora wani kambon banyu.Sawise
wis adus awake katon resik. Ora ana maneh kulit sing ngglodhoki.
Gemi
age-age ngandhakake kahan kuwi marang Abah lan Simbok.Simbok banget seneng
atine lan syukur mring kang Maha Kuwasa sing wis paring waras marang mantune.
Kabar
marine Kabayan sing nglungsungi cepet sumebar ing desane. Akeh pawongan sing
padha teka ana ngomahe Kabayan. Amarga pancen papane sing ciut , sing oleh mlebu
mung Pak kade karo Pak Sekdes. Dheweke kepengin ngerti apa sabenere
kahanan sing kelakon. Kok dumadakan
ganti kulit nglungsungi kaya ula wae.
Saperangan
pawongan sing kepengin weruh kahanane Kabayan mung padha seksekan ing ngarep
omah. Ngerteni kahanan kaya ngono kuwi Abah dadi was sumelang gek-gek omahe
rubuh kesurung karo wong akeh kuwi sing padha seksekan.
Nalika
samana Kabayan lan Abah lagi nampa tamu, Pak Kades lan Pak Sekdes ana kamar
tamu.Sawetara kuwi wong –wong sing ana njaba dadi tambah akeh. Dheweke
kepengbin ngerti kahanane Kabayan sing wis nglungsungi kuwi. Apa tambah gagah
apa tambah gantheng.
“Adhuh,
Pak Kades.Kula kuwatos manawi griya kula ingkang alit menika rubuh amargi
saking kathahipun priyantun ingkang kepengin ningali kawontenanipun Kabayan.”
“O,
iya. Yen ngono , awake dhewe saiki padha jagongan ana ngarepan omah wae. Ing
panggonan bawera satemah sing padha kepengen weruh kabayan ora mlebu
omah.”Pamrayogane Pak Kades.
|
Kebeneran
ing njaba ana lincak sing cukup kanggo jagongan wong papat.Pak Kades dhewe
ngadeg lan ngendika marang wong akeh sing ana ngarepan omah.
“He,
sedulur-sedulur ing disa Sukamaju, pirang-pirang dina kepungkur iki ana kabar
manawa sadulure Kabayan nglungsungi utawa ganti kulit.Apa iki berkah apa
bebendu? Ayo disawang bebarengan! Apa kadadean sabenere? Para sedulur dak suwun
tertib . Awake dhewe ora lagi ana alun-alun, nanging ana latare Abah sing ciut
iki.
“Manawa
sedulur-sedulur kepengin ngerti , ya iki sedulure awake dhewe sing dikabarake
lara kuwi. Saiki praupane resik padhang sumunar, awake alus ora ana tipak ganti
kulit. Lha supaya cetha awake dhewe bisa takon perkara iki karo Sedulur Kabayan
dhewe. Mumpung isih ana kene, mangga sapa sing arep takon, kadadeane sabenere kepiye?”
“Mangga
para sedulur, takon siji baka siji lan bakal langsung diwangsuli Kabayan.”
“Inggih, kula
ingkang badhe migunaken kalodhangan ingkang sepisan,” ature Juragan Somad sing ngepasi
ana barisan ngarep dhewe.
“Kadadean
sing bener kepiye, Kabayan?”
“Pancen
leres, kandane tiyang-tiyang, kula nembe nglungsungi utawa ganti kulit,”
kandhane Kabayan kanthi cetho lan mantep.
“Kok
kaya ula wae. Apa sing ta rasakake?”
“Ya,
rasane lara kabeh. Mbok manawa amarga aku rumangsa kakehan dosa. Saya akeh
dosane saya banget larane.”
“Lha
terus apa wigatine kadadean nglungsungi kuwi, tumrap kowe Kabayan?” Pitakone
pawongan sisihe Juragan Somad.
“Ngertia
para sedulur, nglungsungi kuwi mengku teges supaya aku nindakake samubarang
kanthi lumrah. Tumindak kaya adat saben, utawa salumrahe. Tegese nata maneh
pepenginanku supaya bisa tumindak salumrahe. Semono uga kanthi kabutuhanku kudu
salumrahe wae. Ora mung kuwi, solah tingkahku wae uga kudu salumrahe.”
“Wah
kuwi wis perkara ngilmu, Kabayan,” saiki Pak Kades sing ngendika. “Lha terus
apa karepmu kowe nyepi ana lumbung pari?”
“Aku
ngrasakake rasa sepi ing lumbung iki. Mengku karep urip ijen tanpa ana sing
ngrusuhi lan dirusuhi.”
“Kenapa
bisa mengkono?” Pak Sekdes saiki genti takon
“Pak
Sekdes rak pirsa, saleres ipun awakipun piyambak gesang menika piyambakan.”
“Karepe?
Apa ora duwe sadulur utawa tangga? Yen mangkono geneya ora ana ngalas? Utawa
mertapa?”
“Mboten
mekaten, gesang menika piyambakan,
tegesipun dipun wiwiti nalika awakipun piyambak taksih wonten guwa garbaning
ibu. Awakipun piyambak gesang piyambakan. Sasampunipun lahir sinau gesang
piyambakan, niba tangi piyambakan, sinau piyambakan, bebrayatan lan tanggung
jawab piyambakan, ngantos mapan wonten ing kuburan ugi piyambakan. Nanggel dosa
ugi piyambakan.”
“Aku
ora mudheng, Kabayan?” Juragan Somad takon maneh.
“Inggih,
pancen kasunyatanipun makaten Juragan Somad, ketingalipun gesang mboten
piyambakkan, amargi makempal, kekancan, lan bebrayatan. Ewa semanten
sejatosipun gesang mapan ing nglebet awakipun piyambak, penggalih lan pikiran
sami makarya piyambak, malah tiyang sanes mboten wonten ingkang mangertos.”
“Supados
langkung cetha saget kula aturaken bilih kula punika piyambakan. Manawi kula
kesah dateng pundi pundi tamtu tiyang badhe ngendika, delengen kabayan mlaku
ijen.”
“Ya,
yen ngono aku dak nambahi,” ngendikane Pak Kades. “Mbok manawa mung kanthi ndeleng
bisa ngira- ira yen kabayan luwe lan arep mangan, amarga dheweke menggok
menyang warung. Nanging saumpama atine bisa dideleng, bakal katon manawa wong
liya ora ana sing ngerti menyang ngendi kabayan kuwi. Kena apa ? Amarga katon
saka njaba bakal beda karo sing ana
sajroning atine. Wusanane wong liya bakal kaget, amarga kabayan pranyata nindakake
pakaryan sing ora dimangerteni sakdurunge.”
“He,
kabayan. Katon kanthi cetha manawa jiwamu wis nglakoni owah owahan. Kena apa
sandanganmu isih tetep kaya biyen ora ana owah owahan ?” pitakone Pak Sekdes.
“Pancen
leres, rasukan kula mboten enggal. Ewa semanten cara kula ningali kawontenan
mugi- mugi dados enggal. Lha kanthi makaten sanadyan sandangna kula lawas
nanging solah tingkah kula sampun dados enggal. Mbok bilih ugi amargi Pak Sekdes
mboten numbasaken rasukan enggal.”
Kabeh
pawongan sing ana kono pada gumuyu. Pak Sekdes mencep.
“ O,
iya sasuwene kowe meneng lan turu ana lumbung kuwi, apa wae sing ta pikirake?”
pitakone Pak Kades.
“Kula
nembe ngetang etang.”
“Apa
sing to etung?”
“Inggih
menapa mawon ingkang sampun nate kula lampahi ing wekdal kepengker menika.
Ngengingi dosa ingkang sampun kula tindakaken. Utawi sae lan awonipun tumindak
kula. Bakenipun ngengingi lepat lan leres pribadi kula”
“Wah,
sawijining renungan jero.” Mbok menawi mekaten rumiyin keterangan kula. Menawi
wonten pandangon sanes, benjang saged nyuwun priksa Pak Kades.”
“Lho
kok marang aku Kabayan?”
“Blaka
suto Pak Kades, ngilmu kula nembe sakedhik. Damel limsem manawi wonten
pandangon mrika mriki. Sawetawis wangsulanipun namung mujudaken gegujengan.”
“Wah
. . .ana-ana wae. Ya para sedulur kabeh. Pepangihan karo Kabayan di pungkasi semene
dhisik. Dak suwun para sadulur bisa ninggalake papan kene kanthi tertib.”
“Inggih
matur nuwun,” omongane pawongan sing padha ana kono. Saperangan ana sing kurang
marem, amarga durung kabeh pitakone ditakokake. Mung dheweke ora gelem
ngomongake marang kabayan.”
Sawise
mangkono pawongan sing padha nglumpuk ana kono saperlu ngerteni kahane kabayan
sing mentas nglungsungi, padha mulih menyang omahe dhewe dhewe.Semono uga Pak
Kades lan Pak Sekdes.
Abah,
simbok, lan gemi dadi seneng atine amarga kabayan wis kasil oleh ngilmu kasepuhan.
10.Ember Bisa
Manak
M
|
Anungsa urip
wajibe mbudidaya dene pepesthene gumantung marang karsaning Kang Maha Kawasa.
Sugih mlarat mujudake pikolehe pambudidaya. Bandha donya satemene mujudake
sarana kinarya ngundhakake syukur mring Kang Maha Kuwasa.
|
Sacedhake Abah, ana omah anyar, omahe
wong sugih anyaran. Lire wong sing dhek
biyen mlarat dumadakan sugih amarga
usahane gawe tahu kasil.Malah tenagane wae ana wong sepuluh.
Wayah esuk kaya adat saben Abah lan
Kabayan menyang sawah.Nanging nalika kuwi Abah mangkat dhisik dene kabayan
mangkat keri. Kerine kabayan amarga Gemi ngajak rembukan prekara tanggane sing
sugih anyaran.
“Kang, juragan Sobar kuwi wong sugih
nanging cethil mbethithil ya,Kang?”Panggresulane Gemi.
“Lha ngapa ta,Mi?”
“Lagi wae aku njupuk tahune, arep dak
bayar sesuk. E, dheweke malah ngomong yen tahune ora oleh diutang, kudu bayar
kontan.”
“Lho, sing bener pancen ngono, ana
dhuwit ana barang.”
“Kuwi yen ora karo tangga cerak, kaya
wong liya wae.”
“Pancen ngono, yen kanggone wong
sugih.”
“Lho,
Kang Kabayan kok malah mbelani,ta?”
“Ora,
aku lagi mikir piye carane menehi pengajaran.”
“Piye
carane Kang.”
“Ya
mengko ,aku dak mangkat menyang sawah dhisik nusul Abah.”
“Ya,
yen ngono age-age mangkata sangu durung?”
“Sangu
apa? Apa wis masak ?”
“O..
iya , yen ngono adku dak masak dhisik.”
“Ya,
mengko dikirim wae.”
“Ya,Kang.”
Kabayan
sabanjure budhal menyang sawah nusul Abah. Lakune Kabayan disengkakake supaya
enggal tekan sawah, amarga mesakake Abah ana sawah kijenan.Nalilka tekan ngarep
omahe juragan Sobar Kabayan kelingan prekarane Gemi sing mentas rerasanan.
Dheweke thukul akale, ewa semono Kabayan tetep mbacutake anggone menyang sawah.
Sawise
mulih saka sawah Gemi kelingan maneh prekarane mau esuk. Dheweke terus nakone
bojone.
“Kang
wis ketemu durung carane Kakang?”
“Uwis,nanging
sesuk esuk wae aku dak mara.”
Dina
esuk candhake Kabayan menyang ngomahe juragan Sobar , Juragan tahu sugih anyar.
Bareng tekan ngomahe dheweke thothok-thothok lawang, Ora let suwe ana pawongan
sing mlaku saka njero omah mbukak lawange.Pawongan kuwi wong wadon rewange
Juragan Sobar sing jenenge Inem.
“Arep
ketemu sapa,Kang?”
“O,
kowe ,Nem. Arep ketemu Juragan Sobar.”
“O,
Juragan lagi ngombe kopi, Kang.”
“O,
ngono, lha yen lagi ngombe kopi apa ora kena ditemoni?”
“Ya,
kene pancen aturane mengkono,Kang. Manawa Juragan lagi ngombe kopi utawa mangan
, ora kena ditemoni sapa wae.”
“Wah,
apik tenan juraganmu kuwi.”
“Apa
Kang Kabayan gelem nunggu?”
“Ora
usah Nem. Aku mung kepengin nyilih ember.”
“Ember?
Kanggo apa Kang?”
“Arep
kanggo nguras blumbang mburi omah. Sing elek wae”
“Ya,
Kang, yen ngono kene akeh.”Wangsulane Inem karo mlebu ngomah arep njupuk ember.
“Elek
kaya ngene gelem ora ,Kang?”
“O,
bener , ya ngene iki sing dak goleki.”
“Ya,
mangga yen gelem.”
“Mengko
kandhakna karo juraganmu,ya. Yen aku nyilih ember!”
“Ya,
Kang , mengko dak aturne Juragan Sobar.”
Wusanane
Kabayan mulih nggawa embere Juragan Sobar sing wis elek. Bareng tekan ngomah
Gemi kaget weruh bojone nggawa ember sing wis elek kuwi.
“Kang,
kok nggawa ember elek kuwi saka ngendi?”
“Saka
ngomahe Juragan Sobar.”
“Dadine
kuwi ember Juragan Sobar?”
“Iya,.”
“Arep
kanggo apa Kang?”
“Menenga
dhisik, ngomah ana ember sing elek kaya ngene iki apa ora?”
“Ana.
Arep kanggo apa ta?”
“Wis
pokoke, yen ana jupukna!”
Sawetara
kuwi Gemi terus njupukake ember sing eleke padha karo embere juragan Sobar.
Bareng wis ditampa Kabayan terus nyimpen ember kuwi ana papan sing aman.
Rong
minggu candhake Kabayan menyang ngomahe Juragan Sobar saperlu ngulihake embere.
Nalika kuwi sing nemoni Inem maneh.
“Nem
iki aku ngulihake ember sing dak silih rong minggu kepungkur kae.”
“Lho,
kok ngulihake ember loro, dhek emben mung siji,ta Kang.”
“Iya,
ngertiya ya, dak kandhani.”
“Ana
apa Kang.”
“Embere
juragan Sobar bareng tekan ngomahku ketemu jodhone. Dadine ember sing siji kepengein
ngancani.”
“Kok
aneh, ta Kang. Ember bisa ketemu jodhone?”
“Ya
ngono kuwi kasunyatane,Nem. Mulane iki dak ulihake loro supaya ember sing sijine
ora kesepian.”
“He,
ana apa Nem? Kok omong-omongan ana ngarep lawang?”
Pitakone Juragan
Sobar sing dumadakan teka kono.
“O, menika Juragan,Kang Kabayan badhe
mbangsulaken ember. Sewaunipun namung setunggal samenika dados kalih.Amargi
kacrios emberipun juragan kepanggih jodhonipun, pramila ingkang setunggal kedah
ngancani”
“Hmmm. Ana-ana wae, ember kok duwe
jodho.”
“Menika mboten nama mokal juragan,
barang-barang menika ugi kados titah
sanesipun, gadhoh jodho, manak lan sanes-sanesipun.”Wangsulane Kabayan.
“Apa mung ember wae , sing duwe
jodho,Kabayan?”
“Miturut panaliten kula nembe ember
Juragan.”
“Wah,
eman emberku wis elek. Oleh jodho ya ember elek. He, Nem, saiki njupuka ember
sing apik.”
“Ingih,
Juragan.”
Inem
age-age njupuk ember sing isih anyar, lan diaturake marang Juragane.
|
“Menika
juragan.”
“Ya,
saiki ngene Kabayan. Emberku sing anyar
iki silihen ,supara oleh jodho ember anyar.
“Ingih
Juragan, Ember menika ember enggal, mugi-mugi mangke pikantuk jodho ember sae.”
Kabayan
sabanjure disilihi ember gedhe sing isih
anyar. Ember gedhe anyar kuwi digawa mulih menyang ngomahe Kabayan, saperlu
disimpen ana panggonan sing ora dimangerteni kulawargane.
Telung
mingu candhake Kabayan mbalekake embere juragan Sobar. Wektu kuwi Juragan Sobar
dhewe sing nemoni Kabayan. Kuwi sawijining pakurmatan tumrap Kabayan, amarga
saben ana wong mara sajak ora duwe mung ditemoni Inem wae.
“Wah,
wis dak tunggu suwe banget kowe, Kabayan. Kepiye kabare emberku sing disilih
rong minggu kepungkur? Oleh jodho apa ora?”
“Pengestunipun
Juragan. Menika ember ingkang kula ampil kala emben, kua aturi mriksani
piyambak ,kados pundi kawontenanipun.”
“Lho,
kok ana ember cilik-cilik ana njerone?”
“Lah
inggih menika juragan, kala emben ember panjenengan nembe mbobot sareng dumugi
griya kula emberipun manak kathah.”
“O,
dadi ember cilik-cilik iki anake emberku?’
“Inggih,
Juragan.”
“Wah
elok tenan ya. Sajake omahmu nggawa kauntungan”
“Inggih,
ketingalipun mekaten Juragan.”
“Ya,
saiki tunggunen dhisik, mengko dak silihi emberku sing apik banget!”
“Sendika,
Juragan.”
“Nem...Inem.
mrenea !”
“Inggih
, Juragan. Wonten menapa?”wangsulane Inem karo mlayu saka mburi.
“Aku
jupukna emberku keramik sing apik !”
“Inggih
Juragan.”
Inem
age-age njupuk ember keramik sing apik. Ember kuwi regane larang. Mulane
dheweke duwe karep supaya oleh ember keramik sing regane larang.
“Iki
Kabayan . Emberku keramik iki silihen, supaya besok embere manak kaya sing
uwis!”
“Inggih
Juragan, matur nuwun dipun ampili ember keramik ingkang sae lan awis
reginipun.”
“Ya,
ora apa-apa. Lha terus kapan baline maneh?”
“Amargi
ember menika ember keramik mbok bilih namung seminggu sampun manak, Juragan.”
“Ya,
ateges seminggu maneh kowe teka mrene.”
“Inggih
Juragan.”
Kabayan
nampa ember keramik kuwi kanthi ati seneng, terus age-age digawa mulih.Bareng
tekan ngomah, Gemi bojone nakoni.
“Kang,
ember keramik sing apik iki duweke sapa?”
“Ya,
genah duweke Juragan Sobar, apa duwekmu?”
“Lha
arep dienggo apa?”
“Ya,
arep disimpen wae. Lan minggu ngarep bakal dak ulihake”
“Kang
Kabayan duwe rancangan apa,ta,Kok aku durung ngerti?”
“Kowe
kuwi menenga wae, iki urusane wong lanang.”
Kabayan
sabanjure terus nyimpen ember keramik kuwi ana papan sing aman lan primpen.
Seminggu
candhake Kabayan njupuk ember keramik duweke Juragan Sobar, saperlu diulihake.
Nanging wektu kuwi embere keramik dibungkus nganggo karung, dadine wujude ora
katon saka njaba.
Juragan
Sobar weruh Kabayan sing teka katon saka kadohan mesam-mesem kebak seneng.
Pengangen-angene tumuju marang ember keramike mesthine wis manah akeh utawa
oleh jodho. Gunggunge bakal tambah tanpa ngetokake wragat. Manawa dipikir
pancen bodho banget si Kabayan, saumpama Kabayan ora menehi ngerti mesthine
Juragan Sobar uga ora bakal ngerti .Geneya anake ember keramik ora dimeliki
Kabayan wae.
Sawetara
Juragan Sobar ngudarasa, lakune Kabayan saya cedhak, age-age juragan Sobar
ngajak tamuje mlebu ngomah. Pandulune Juragan Sobar tumuju menyang gawane
Kabayan, nanging ember keramikie sajake ora ana. Apa durung digawa, apa isih
manak, apa lagi pacaran karo pacangane lan apa-apa maneh sing baku embere kok
ora katon digawa.
“Kabayan,
endi ember keramik duweku?”
“Wadhuh
Juragan, Ketiwasan.”
“Ketiwasan
kepiye?”
“Wonten
musibah ingkang mboten kanyana-nyana.”
“Musaibah
apa?, kandhakna!”
“Embere
mboten pikantuk jodho, ugi mboten purun manak.”
“Lha,
sababe apa?”
“Emberipun
sakit...lan salengipun...”
“Kena
apa?Apa dheweke lagi digawa menyang rumah sakit?”
“Dereng saged ,Juragan, amargi pejah rumiyin.”
“Dereng saged ,Juragan, amargi pejah rumiyin.”
“Mati?
Apa ember keramik bisa mati?”
“O.Tentu
saged, Juragan. Kala wingi ember elek pikantuk jodho, ember ingkang enggal gadhah
anak, lan samenika ember keramikipun pejah.”
“Lha
yen mati, endi bathange?”
“Menika
juragan wonten nglebet karung.”
“Ana
njero karung?”
“Lha
menika, bangkenipun ember keramik.”Wangsulane Kabayan karo ngudhari bundhelane
karung, sing isi pecahan keramik.
”Wah,
awake ajur mumur kaya ngene.”
“Leres
Juragan. Badanipun remuk amargi sakit kanker kronis campur gendhis dadosipun komplikasi
ngaten juragan.”
“Wadhuh,
aku rugi gedhe iki Kabayan.Aku emoh rugi, kowe kudu ngijoli!”
“Mboten
saged , emberipun remuk amargi sakit komplikasi.”
“Emboh
, aku ora trima , kowe kudu ngganti.”
“Nyuwun
pangapunten, kula mboten badhe nggantos.”
“Kowe
wani ngomong kaya ngono karo aku?” Juragan Sobar kaget krungu omongane Kabayan.
Kanthi gemeter dheweke mundur karepe arep njupuk barang kanggo nggebuk Kabayan.
Nanging ora dinyana ing mburine ana blumbang iwak. Kebeneran sacedhake kamar
tamu kuwi ana blumbang iwak sing ora ana watese karo kamar tamu.
Wusanane
Juragan Sobar kejegur blumbang byur...awake kecegur blumbang sing jerone punjul
sapengadeg lan amba. Tangane Juragan Sobar nglawe , amarga dheweke ora bisa
nglangi.
|
“Tulung...tulung...!”Panjerite
njaluk tulung , sawetara kuwi awake silepkemampul-silep kemampul. Saperangan
bature lanang padha ngulungake tangane supaya kanggo gondhelan ,
“Juragan
pundi astane kula gondheli?”
“Inggih
Juragan , asatane pundi?.”
“Ora..”Omongane
Juragan Sobar sing wis arep klelep.
Sajake
Kabayan ngerti karepe Juragan Sobar.
Age-age Kabayan ngulungake tangane karo mbengok.
“Juragan
mangga tangan kula.”
Wusanane
Juragan Sobar sing ora gelem ditulung rewange lanang-lanang kuwi terus nyandhak
tangane Kabayan. Mbok manawa bengokane Kabayan kuwi gawe sikape dadi beda,
luwih milih tangane Kabayan katimbang tangane pembantune. Age-age Kabayan nyandhak
tangane Juragan Sobar lan nggeret mentas saka blumbang jero.
Bareng
tekan dhuwur Juragan sobar semaput. Sabanjure diturokake ana lincak sing adat
saben kanggo leyeh-leyeh.
Para
pembantune padha ibut nulung Juragane,. Nanging wis sawetara wektu durung eling
saka semapute.
Sajrone
ngenteni Juragan Sobar anggone semaput, Kabayan ngomong-omong karo pembantune
Juragan Sobar sing jenenge Budi.
“Kang
Kabayan, aku gumun, kaya ana sing aneh.”
“Aneh
kepiye, Bud?”
“Ngene,
Kang. Nalika aku ngulungake tanganku karo omong, Pundi juragan astane, kula gondheli, dheweke ora gelem ngulungake,
Lha terus kancaku ya omong ,Inggih
Juragan , asatane pundi. E, Juragan nolak ora gelem, Bareng Kang Kabayan
ngomong Juragan mangga tangan kula,
lha kok terus gelem nyandhak.”
“O,
kuwi ta Bud. Kuwi ora aneh.”
“Yen,
kanggoku aneh,Kang.”
“Ngene
Bud. Kowe rak ngerti ta, Juraganmu kuwi sugih ?
“Iya
, terus piye?”
“Wong
sugih kuwi mesthi duwe lelara sing wis manjing, ora bisa diselaki.”
“Apa
kuwi?”
“Sirik
dijaluk, nanging gelem nampa. Tegese yen dijaluki ora oleh sumelang bandhane
kurang, nanging yen diwenehi gelem supaya bandhane tambah”
“O.
Pantes. Mulane nalika aku ngulungake tanganku karo omong, Pundi juragan astane, kula gondheli, dheweke ora gelem ngulungake,
amarga dikira njaluk bandhane, ya?”
“Iya,
“
“Nanging
bareng Kang Kabayan ngomong Juragan
mangga tangan kula, dheweke terus gelem nyandhak ya. Apa dikira arep menehi
bandha ya?”
“Bener
banget.”
“Sababe apa ?, wong sugih kok ngono,
Kang?”
“Amarga dheweke mung mentingake
nafsune katimbang atine. Nganti meh
ilang nyawane wae isih mikir supaya tambah bandhane.”
“Ya, aku saiki ngerti,Kang. Lha terus
piye carane ngandhani Jurgan Sobar?”
“Ya mesthine ana cara mligi kanggo
juraganmu, kudu nganggo cara sing alus aja kasar-kasar. Ngene wae , mengko yen
Juraganmu wis mari kowe ngomonga .....”
Kanthi ringkes Kabayan ngandhani Budi
ngenani prekara-prekara sing magepokan karo Juragane. Kabayan ngerti manawa Juragan
Sobar semaput kuwi amarga kaget lan rumangsa kedheseg kahanan sing ora dinyana-nyana.
Lan sing penting dheweke kudu leren sing
cukup, mesthi enggal mari dhewe kaya wingi uni.
Ora let suwe Kabayan njaluk pamit,
amarga isih ana perlu liya. Sawetara kuwi saperangan Pembantu Juragan isih
padha ngrumat amrih elinge Sang Juragan sing cethil- mbethithil kuwi.
Dina esuke nalika Abah lan Kabayan
arep budhal menyang sawah dumadakan ana tamu teka sing ora dinyana –nyana. Ora
liya tamu kuwi Juragan Sobar sing dikancani Budi pembantune.
“Abah lan Kabayan aku mrene iki
saperlu njaluk pangapura sakabehing kaluputanku. Mligine kaluputanku sing dak
tindakake sesasi kepungkur iki.”Ngendikane Juragan Sobar kanthi temen.
“Juragan Sobar saben uwong mesthi duwe
luput. Ora mung juragan Sobar , aku dhewe uga duwe luput”, Ngendikane Abah.
“Luwih
saka kuwi , aku wis krungu saka Budi ngenani pituduh sing diwenehake Kabayan.
Blaka suta jiwaku iki isih kosong. Jiwaku mung dikebaki hawa nafsu pengin
menang dhewe lan aku rumangsa getun banget. Amarga kurang nindakake paugeraning
agama. Saeba bodhoku sing mung tansah nyepelekake wong ora duwe kaya kowe
Kabayan, dak pikir wong ora duwe gampang dak akali pamrihe supaya bandhaku
tambah. Jebul aku kleru. Wong ora duwe bandha kadonyan kuwi malah sugih
bandhane kaswargan.
Abah
lan Kabayan dadi trenyuh atine bareng Juragan Sobar kandha sing akeh-akeh
ngrumangsani lamun saiki dheweke wis lali mula bukane. Nalika samana tekane
Juragan Sobar uga nggawa oleh-oleh kanggo kulawargane Abah arupa tahu gaweane
dheweke.
Sawise
rampung perlune Juragan Sobar njaluk pamit mulih saka ngomahe Abah. Abah lan
Kabayan nguntapake tamune nganti tekan plataran. Kulawargane Abah dadi tambah
Syukure marang Gusti amarga wis kasil nggoleki wedhus sing ilang saka
pangonane.
Tamat
BIODATA PENGARANG
|
||||||
|
|
|
|
|||
|
Nama Lengkap dan Gelar
|
:
|
Raden Tumenggung Petrus Chanel Mulyono Hadipura, SPd.
|
|||
|
Tempat/ Tanggal lahir
|
:
|
Sukoharjo, 27 April 1964
|
|||
|
Instansi
|
:
|
Dinas Pendidikan
Kabupaten Sukoharjo
|
|||
|
a.Alamat Kantor
|
:
|
SMP Negeri 2
Gatak
|
|||
|
b.AlamatRumah
|
:
|
Terik Lo RT 03 Rw 02,
Trangsan ,Gatak, Sukoharjo ,Jateng.
|
|||
|
Telp.
|
:
|
0271 7892925
/ 0271 7010387
|
|||
|
Email
|
:
|
pchanelm@yahoo.com
|
|||
|
Buku cerita yang dibuat
|
:
|
Ajisaka
|
|||
|
|
|
Parama Cipta
|
|||
|
|
|
Timun Mas
|
|||
|
|
|
Roro Mendut
|
|||
|
|
|
Kabayan lan Bolandho Ajaib
|
|||
|
|
|
Kabayan Nyekel Maling
|
|||
|
|
|
Kabayan Jago Silat
|
|||
|
|
|
Kabayan Dadi hakim
|
|||
|
|
|
Geusan Ulun lan Putri Harisbaya
|
|||
|
|
|
Legenda Karang Nini Pangandaran
|
|||
|
|
|
|